پاتريوتتىق تانىتقان ازاماتتاردى ناگراتتايتىن جاڭا مەدال بەكىتىلدى
وقۋ- اعارتۋ ءمينيسترى ءتيىستى بۇيرىققا قول قويدى، دەپ حابارلايدى قازاقپارات ءتىلشىسى.
«ەل ءۇمىتى مەدالى» - پاتريوتتىق تانىتقان جانە بەلسەندى ازاماتتىق ۇستانىمى ءۇشىن بەرىلەتىن ەرەكشەلىك بەلگىسى. «ەل ءۇمىتى مەدالى» ەرەكشەلىك بەلگىسىن الۋعا 14 جاستان 35 جاسقا دەيىنگى بالالار مەن جاستار ۇسىنىلادى»، - دەپ جازىلعان مينيستر عاني بەيسەمبايەۆ قول قويعان بۇيرىقتا.
ەسكە سالايىق، بۇعان دەيىن بۇل ناگرادا «ەلباسى مەدالى» دەپ اتالعان. سونىمەن قاتار وعان تەك 29 جاسقا تولماعان قازاقستاندىقتار ۇسىنىلاتىن. ەندى «ەل ءۇمىتى مەدالىن» وقۋ- اعارتۋ مينيسترلىگى تابىستاماق.
قوسا كەتسەك، بيىلدان باستاپ «دارىن» جانە پرەزيدەنتتىك ادەبي سىيلىققا 35 جاسقا دەيىنگى ازاماتتار ءوتىنىش بەرە الادى.
ەسكە سالايىق، بىلتىر 8- جەلتوقساندا سەنات 35 جاسقا دەيىنگىلەردى «جاستار» ساناتىنا ەنگىزۋ تۋرالى زاڭ جوباسىن ماقۇلداعان ەدى.