قاي ەلدىڭ ازاماتتارى قازاقستان زاڭدارىن ءجيى بۇزادى

بۇل تۋرالى ىشكى ىستەر مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«ەڭبەك قىزمەتىن جۇزەگە اسىرۋعا قاجەتتى رۇقساتتاردى الماستان، قازاقستان رەسپۋبليكاسىندا جۇمىس ىستەگەنى ءۇشىن اكىمشىلىك قۇقىق بۇزۋشىلىق تۋرالى زاڭنامانىڭ 517-بابىنىڭ 5-تارماعىنا سايكەس، 25 ايلىق ەسەپتىك كورسەتكىش (86250 تەڭگە) مولشەرىندە ايىپپۇل سالۋعا نە 10 تاۋلىككە دەيىنگى مەرزىمگە اكىمشىلىك قاماققا الۋعا نە قازاقستان رەسپۋبليكاسىنىڭ شەگىنەن اكىمشىلىك جولمەن شىعارىپ جىبەرۋگە اكەپ سوعادى. 2023 -جىلى 33704 شەتەلدىك ازامات اكىمشىلىك جاۋاپكەرشىلىككە تارتىلدى، ونىڭ ىشىندە 3245 ازامات قازاقستان اۋماعىنان شىعارىلدى»، - دەپ اتاپ وتەدى مينيسترلىكتەن اگەنتتىكتىڭ رەسمي ساۋالىنا بەرگەن جاۋابىندا.

وسى رەتتە مينيسترلىك ەلىمىزدىڭ زاڭناماسىن قاي شەت مەملەكەتتەردىڭ ازاماتتارى ءجيى بۇزاتىنىن اتادى.

«قازاقستان زاڭناماسىن ءجيى بۇزعان ەلدەر: وزبەكستان – 20536، رەسەي – 3810، تاجىكستان – 1436، قىرعىزستان - 744 ادام. باس بوستاندىعىنان ايىرۋ ورىندارىندا 513 شەتەلدىك وتىر»، - دەدى ۆەدومستۆودان.