باسەكەلەستىكتى قورعاۋ اگەنتتىگى ەل ەمحانالارىنداعى باستى ماسەلەلەردى اتادى

استانا. قازاقپارات - مەملەكەتتىك مەديتسينا ۇيىمدارى پاتسيەنتتەردى تارتۋعا مۇددەلى ەمەس. مۇنداي ماسەلە باسەكەلەستىكتى قورعاۋ جانە دامىتۋ اگەنتتىگى اشىق تالقىعا شىعارعان كونسۋلتاتيۆتىك قۇجاتتا جازىلعان، دەپ حابارلايدى قازاقپارات ءتىلشىسى.

اشىق ن ق ا پورتالىندا جاريالانعان قۇجاتتا اگەنتتىك دەنساۋلىق ساقتاۋ سالاسىندا شەشۋدى تالاپ ەتەتىن بىرنەشە ماسەلەنى كوتەرگەن. ولار:

- مەملەكەتتىك ەمحانالاردا كورسەتىلەتىن مەديتسينالىق قىزمەتتەردىڭ تومەن ساپاسى؛

- مەملەكەتتىك ەمحانالارداعى قارجى تاپشىلىعى؛

- مەملەكەتتىك مەديتسينالىق ۇيىمداردىڭ پاتسيەنتتەردى تارتۋعا مۇددەلى بولماۋى.

سونىمەن قاتار ۆەدومستۆو حالىق اراسىندا جۇرگىزىلگەن ساۋالناما ناتيجەلەرىن دە مىسالعا كەلتىرگەن. اتاپ ايتقاندا، قازاقستاندىقتار مەملەكەتتىك ەمحانالارعا قاراعاندا جەكە كلينيكالاردا كورسەتىلەتىن قىزمەتتەر ساپاسىنا كوبىرەك قاناعاتتانادى.

«بيىل ناۋرىز ايىندا 15 جاستان اسقان 12 مىڭعا جۋىق رەسپوندەنت قاتىسقان «حالىقتىڭ ءومىر ءسۇرۋ ساپاسى» ساۋالناماسىنىڭ ناتيجەلەرىنە ساي، تۇرعىنداردىڭ مەملەكەتتىك دەنساۋلىق ساقتاۋ ۇيىمدارىنداعى قىزمەت ساپاسىنا قاناعاتتانۋ دەڭگەيى - 9,9. 2022 -جىلى بۇل كورسەتكىش 34,8 پايىز بولعان ەدى. سونىمەن قاتار، بيىل قىزمەت ساپاسىنا نارازى ادامداردىڭ ۇلەسى تومەندەدى - %6,9 دان %6,5 عا دەيىن. بۇل رەتتە، دەنساۋلىق ساقتاۋ سالاسىنداعى مەملەكەتتىك قىزمەتتەرگە ءىشىنارا قاناعاتتاناتىن قازاقستاندىقتاردىڭ ۇلەسى U,4 دان Q,1 عا دەيىن ازايدى. دەمەك، قازاقستاندىقتار مەملەكەتتىك دەنساۋلىق ساقتاۋ ۇيىمدارىنا قاراعاندا جەكە ۇيىمدار كورسەتەتىن كوبىرەك كوڭىلى تولادى»، - دەپ جازىلعان كونسۋلتاتيۆتىك قۇجاتتا.