ارقانى اياقپەن باستىرۋعا بولا ما؟
ارقانى اياقپەن باسىپ جاسايتىن ماسساج ءتۇرى شىنىمەن دە بار. ول شىعىستا پايدا بولعان جانە ول «اشياتسۋ» دەپ اتالادى. ول - ەجەلگى تاجىريبە.
بۇل ماسساج كەزىندە مامان ارقاعا ماي جاعادى جانە ارقانى اياقپەن باسقان كەزدە قولدارىمەن توبەگە ىلىنگەن ارنايى تەمىردى ۇستاپ تۇرادى. سول كەزدە قولمەن جاسالعان ماسساج سەكىلدى پروتسەدۋرا بولادى، ءبىراق ول قولعا قاراعاندا تەرەڭىرەك جانە قاتتىراق اسەر ەتەدى.
ارقادا اياقپەن دۇرىس ءجۇرۋ جانە قاجەت جەردى دۇرىس باسۋ جاقسى بوساڭسىتۋشى اسەر بەرەدى. الايدا ونى بۇل پروتسەستى تۇسىنەتىن ادام عانا جاساۋى كەرەك. سەبەبى بۇل قاۋىپتى پروتسەدۋرا.
ال ەگەر ءسىز جاي ادامنىڭ ارقاسىنا شىعىپ جۇرەتىن بولساڭىز، ونى ماسساج دەپ ايتۋ قيىن. سەبەبى ۇيدە ۇستاۋعا بولاتىن توبەدە ءىلىنىپ تۇرعان ارنايى تەمىر جوق. ەگەر ماي نەمەسە كرەم قولدانساڭىز، سىرعاناپ قۇلاپ كەتۋىڭىز مۇمكىن. وعان قوسا، ۇستاپ تۇراتىن نارسە بولماعاندىقتان، «ماسساج جاساۋشى» ادام قۇلاپ قالماس ءۇشىن تەڭسەلىپ، ءار جەردى ءبىر باسادى. سونىڭ سالدارىنان ادامنىڭ ارقاسى زاقىم الۋى نەمەسە قانداي دا ءبىر اۋرۋى اسقىنىپ كەتۋى مۇمكىن. سوندىقتان دەنساۋلىققا قاۋىپ توندىرمەي، وزدىگىنەن ەمدەلمەگەن ءجون.
ەگەر ۇيدە ارقا بۇلشىقەتتەرىن بوساڭسىتقىڭىز كەلسە، مىنا ەكى ءادىستى قولدانىڭىز:
جاقىندارىڭىزدان قولمەن ماسساج جاساپ بەرۋىن ءوتىنىڭىز. قولمەن جاسالاتىن ماسساج ارقاڭىزعا جۇمساق اسەر ەتەدى جانە ول ارقا بۇلشىقەتتەرىنىڭ بوساڭسۋىنا كومەكتەسەدى.
ماسساج جاسايتىن روللەر قولدانىڭىز. مۇنداي قۇرالدار قىمبات تۇرمايدى جانە بۇلشىقەتتەردەگى جۇكتەمەنى تۇسىرۋگە كومەكتەسەدى.