قازاقستان - فينليانديا ماتچى: قوزعالىس باعىتىن الدىن الا جوسپارلاۋ قاجەت
وسىعان بايلانىستى استانالىقتار كولىك كەپتەلىسىن بولدىرماۋ ءۇشىن قوزعالىس باعىتىن الدىن الا جوسپارلاۋى قاجەت، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.
ەۋرو-2024 ىرىكتەۋ ءتۋرنيرى 7-قىركۇيەك، ياعني بەيسەنبى كۇنى ساعات 20:00 دە وتەدى. بۇل - قۇراما كوماندامىزدىڭ ەۋرو-2024 چەمپيوناتىنا شىعۋ ءۇشىن شەشۋشى كەزدەسۋلەردىڭ ءبىرى. قازىردىڭ وزىندە 30 مىڭعا جۋىق بيلەت ساتىلىپ كەتتى. ستاديون لىق تولى بولادى دەپ كۇتىلىپ وتىر.
ويىن «استانا ارەنا» ستاديونىندا وتەتىندىكتەن، تۇران مەن قابانباي باتىر داڭعىلدارىنا كولىك ءنوپىرى شامادان تىس كوپ بولۋى مۇمكىن.
كولىك كەپتەلىسىن بولدىرماۋ ءۇشىن جۇرگىزۋشىلەر جۇرەر جولىن الدىن الا جوسپارلاۋى قاجەت. سونىمەن قاتار، قوعامدىق ءتارتىپ ساقتالۋى كەرەك.
ايتا كەتەيىك، 10-قىركۇيەك كۇنى ساعات 19:00 دە استانادا قازاقستان قۇراماسى يرلانديا قۇراماسىمەن وينايدى.