ازيا چەمپيوناتى: قازاقستان قۇراماسى بەسىنشى ورىن الدى

استانا. قازاقپارات - تايلاندتىڭ ناكحونراتچاسيما قالاسىندا ءوتىپ جاتقان ۆولەيبولدان ايەلدەر اراسىنداعى ازيا چەمپيوناتىندا قازاقستان قۇراماسى وڭتۇستىك كورەيادان باسىم ءتۇستى، دەپ حابارلايدى قازاقپارات ءتىلشىسى.

قۇرامالار 5- ورىن ءۇشىن شەبەرلىك بايقاسقان ەدى. بۇل جولى قازاقستاندىق ۆولەيبولشىلار ءبىرىنشى سەتتە 26:24 ەسەبىمەن جەڭسە، ەكىنشىسىندە 25:23 ەسەبىمەن باسىم ءتۇستى.

شەشۋشى ءۇشىنشى سەتتە قارسىلاسىن 25:23 ەسەبىمەن ءسۇرىندىردى.

وسىلايشا جالپى ەسەپتە 3:0 ەسەبىمەن جەڭىپ، قورىتىندى ناتيجە بويىنشا بەسىنشى ورىنعا تۇراقتادى.

ەل قۇراماسى بۇدان بۇرىن پلەي-وفف ساتىسىندا اۆستراليانى 3:2 (25:16، 21:25، 19:25، 25:15، 15:12) ەسەبىمەن تىزە بۇكتىردى.

قازاقستاندىق ۆولەيبولشىلار D توبىندا فيليپپيندى تاي-برەيكتە 3:2 (25:21، 17:25، 24:26، 27:25، 15:6)، گونكونگتى 3:0 (25:16، 25:23، 25:17) ەسەبىمەن سۇرىندىرسە، قىتايدان 0:3 (12:25، 21:25، 10:25) ەسەبىمەن جەڭىلدى.

جارىستىڭ ودان كەيىنگى ساتىسىندا الدىمەن جاپونياعا 0:3 (13:25، 20:25، 18:25) ەسەبىمەن ەسە جىبەرسە، ءۇندىستاننان 3:0 (25:17، 25:17، 25:21) ەسەبىمەن باسىم ءتۇستى.

قۇرلىقتىق دودانىڭ فينالىندا بۇگىن، 6- قىركۇيەكتە تايلاند پەن قىتاي قۇرامالارى كەزدەسەدى.