ۇيالى بايلانىس نارىعىنا جاڭا وپەراتورلاردىڭ شىعۋىن نە شەكتەپ وتىر

استانا. قازاقپارات - قازاقستانداعى ۇيالى بايلانىس نارىعى مونوپوليالانعان. سوندىقتان، باسقا بايلانىس وپەراتورلارىنىڭ نارىققا شىعۋى مۇمكىن ەمەس.

بۇل تۋرالى باسەكەلەستىكتى قورعاۋ جانە دامىتۋ اگەنتتىگى اشىق تالقىعا شىعارعان كونسۋلتاتيۆتىك قۇجاتتا جازىلعان، دەپ حابارلايدى قازاقپارات ءتىلشىسى.

«5G جيىلىكتەرىن ءبولۋ بويىنشا سوڭعى اۋكسيوننىڭ قورىتىندىلارى ونىڭ شەڭبەرىندە راديوجيىلىك سپەكترىنىڭ «قازاقتەلەكوم» كومپانيالار توبىنا بەرىلدى. وسىلايشا، ۇيالى بايلانىس نارىعىنىڭ مونوپوليالانۋىن كۇشەيتتى. بۇل رەتتە، اۋكتسيونداردىڭ قورىتىندىلارى جەكە وپەراتورلاردىڭ كۆازيمەملەكەتتىك سەكتورمەن اۋكتسيونداردا باسەكەگە تۇسە المايتىندىعىن كورسەتتى. سونىمەن، «Beeline» جانە «Freedom Holding Corp» سياقتى الەۋەتتى وپەراتورلار «قازاقتەلەكوم» جانە ونىڭ ءموبيلدى وپەراتورلارىنىڭ بىرىككەن كونسورتسيۋمىنا قارسى تۇرا المادى»، - دەپ ماسەلە كوتەرگەن اگەنتتىك.

ۆەدومستۆو دەرەگىنشە، راديوجيىلىكتەردى يەلەنۋ بويىنشا «قازاقتەلەكومعا» نارىقتىڭ 82 پايىزى، «كار- تەل» جاۋاپكەرشىلىگى شەكتەۋلى سەرىكتەستىگىنە  ى تيەسىلى. بۇل جاڭا وپەراتورلاردىڭ نارىققا شىعۋىنا كەدەرگى بولىپ وتىر.

«ۇيالى بايلانىس نارىعى مونوپوليالانعان. وسىعان بايلانىستى مونوپوليالىق ويىنشىلاردىڭ راديوجيىلىكتى ساتىپ الۋعا قاتىسۋىن شەكتەۋ تەتىگىن ەنگىزۋ قاجەت. ونسىز باسقا بايلانىس وپەراتورلارىنىڭ نارىققا شىعۋى مۇمكىن ەمەس»، - دەپ اگەنتتىك اتالعان ماسەلەنىڭ شەشىمىن ۇسىنعان.