داۋلەت تۇرلىحانوۆتىڭ تاعى ءبىر ۇلىنا قاتىستى داۋ شىقتى: دەپۋتات نە دەيدى

استانا. قازاقپارات - الەۋمەتتىك جەلىدە جىگىت پەن قىزدىڭ اراسىنداعى جانجالعا بايلانىستى ۆيدەو تارادى.

ۆيدەو اۆتورى بۇل وقيعا ءماجىلىس دەپۋتاتى داۋلەت تۇرلىحانوۆتىڭ ورتانشى ۇلىنا قاتىستى ەكەنىن ايتادى. وسى ورايدا تىلشىلەر وقيعاعا قاتىستى دەپۋتاتتىڭ پىكىرىن سۇرادى، دەپ حابارلايدى قازاقپارات ءتىلشىسى.

«جاستار وزدەرى شەشەدى. ءبىر-ءبىرىن جاقسى كورەتىن بولار»، - دەدى د. تۇرلىحانوۆ پارلامەنت ءماجىلىسىنىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

بۇل تۇرعىدا دەپۋتات وسى وقيعا جايىندا ەستىمەگەنىن جانە ۇلىمەن سويلەسەتىنىن ايتتى.

«ولار ەر جەتكەن بالالار. سوندىقتان وزدەرىنىڭ ماسەلەسىن شەشەدى دەپ سانايمىن. بۇل دەرەكتى سىزدەردەن ەستىپ وتىرمىن جانە مەن ءۇشىن جاعىمسىز جاڭالىق بولىپ تۇر»، - دەدى د. تۇرلىحانوۆ.

بۇعان دەيىن جۋرناليست ميحايل كوزاچكوۆتىڭ Telegram-كانالىندا جىگىت پەن قىزدىڭ اراسىنداعى جانجالعا قاتىستى ۆيدەو جاريالانعان بولاتىن.