مينيسترلىك قاتەرلى ىسىكتىڭ ورشۋىنە سەبەپ بولعان باستى فاكتورلاردى اتادى

استانا. قازاقپارات - رەداكسيامىزدىڭ رەسمي ساۋالىنا جاۋاپ بەرگەن دەنساۋلىق ساقتاۋ مينيسترلىگى مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى ازامات دۇيسەنوۆ قاتەرلى ىسىكتىڭ ورشۋىنە سەبەپ بولاتىن نەگىزگى فاكتورلاردى اتادى، دەپ حابارلايدى قازاقپارات ءتىلشىسى.

«ونكولوگيالىق اۋرۋلاردىڭ دامۋ سەبەبى ءارتۇرلى. بۇل سىرتقى فاكتورلار، ياعني قورشاعان ورتا، ەكولوگيالىق، كاسىپتىك فاكتورلار. سونىمەن بىرگە، ىشكى فاكتورلار - جاس، تۇقىم قۋالاۋشىلىق، سوزىلمالى اۋرۋلاردىڭ بولۋى، مەتابوليكالىق پروتسەستەردىڭ بۇزىلۋى، گورمونالدى بۇزىلۋلار، تەمەكى شەگۋ، الكوگولدى ىشىمدىكتەر ءىشۋ، زياندى تاماقتانۋ، قيمىل- قوزعالىستىڭ از بولۋى. قاتەرلى ىسىكتىڭ كەيبىر وشاعى ادام پاپيللوما ۆيرۋسىنىڭ نەمەسە گەپاتيتتىڭ سالدارىنان ءورشۋى مۇمكىن» ، - دەلىنگەن دەپارتامەنت ديرەكتورىنىڭ ءتىلشى ساۋالىنا وراي جولداعان جاۋابىندا.

قوسا كەتسەك، قازاقستاندا ونكولوگيامەن اۋىراتىن 210 مىڭنان استام ادام ەسەپتە تۇر.

كەيىنگى 2 جىلدا جاستاردان قاتەرلى ىسىك ءجيى انىقتالىپ جاتىر.

جالپى جىل سايىن ونوكولوگياعا شالدىققان ناۋقاستاردى ەمدەۋگە 36 ميلليارد تەڭگە بولىنەدى.

اۆتور:

ءاليحان اسقار