پاكىستاندا ءتورت ادام دىنگە ءتىل تيگىزگەنى ءۇشىن ءولىم جازاسىنا كەسىلدى

استانا. قازاقپارات - پاكىستاندا ءدىن مەن ءدىني قۇندىلىقتارعا ءتىل تيگىزدى دەپ ايىپتالعان ءتورت ادامدى ءولىم جازاسىنا كەسۋ تۋرالى، ال بەسىنشىسىن جەتى جىلعا باس بوستاندىعىنان ايىرۋ تۋرالى ۇكىم شىعارىلدى.

بۇل جايىندا islam.kz پورتالى ءوز كەزەگىندە The Express Tribune مەرزىمدى باسىلىمىنا ءجون سىلتەي وتىرىپ ءمالىم ەتەدى. پەندجاب پروۆينسياسىنداعى راۋالپيندي قالاسىنىڭ اۋداندىق سوتى ءتورت ايىپتالۋشىنى دارعا اسۋ جازاسىنا كەسكەن، ال بەسىنشىسىن جەتى جىلعا سوتتاعان. ءولىم جازاسىنا كەسىلگەندەرگە قوسىمشا 100 مىڭ رۋپي ايىپپۇل سالىندى. سوتتالۋشىعا 20 مىڭ رۋپي ايىپپۇل سالىنعان.

پايعامبارىمىزعا (س. ا. ۋ. ) ءتىل تيگىزىپ، قاسيەتتى قۇراندى قورلادى دەگەن كۇدىكتىلەرگە قاتىستى سوت پروتسەستەرىن كيبەرقىلمىسپەن كۇرەس ءبولىمى مەن فەدەرالدىق تەرگەۋ اگەنتتىگى جۇرگىزگەن.

سوتتالۋشىلاردىڭ قالتا تەلەفوندارىنان تابىلعان ۆيدەولار مەن الەۋمەتتىك جەلىدەگى جازبالار سوتتالۋشىلاردىڭ كىناسىن دالەلدەدى.