كومىردى پايدالانۋدان باس تارتۋىمىز قاجەت -انتونيۋ گۋتەرريش

استانا. قازاقپارات- ەۋروپالىق وداقتىڭ كومىرگە تاۋەلدىلىگى ازايدى. مۇنى جاڭا زەرتتەۋلەر كورسەتىپ وتىر.

بيىلعى جىلدىڭ العاشقى جارتىسىندا وداق ەلدەرىنىڭ كومىردى پايدالانۋى وتكەن جىلمەن سالىستىرعاندا 17 پايىزعا تومەندەگەن. ساراپشىلاردىڭ پىكىرىنشە، بۇعان قىستىڭ جىلى بولىپ، شيكىزاتقا سۇرانىستىڭ تومەندەۋى اسەر ەتكەن. ءبىراق ماماندار ەۋرووداق كومىردەن تولىق باس تارتۋى ءۇشىن ەكولوگيالىق تازا قۋات كوزدەرىن دامىتۋدى جەدەلدەتۋ قاجەت دەيدى. ال حالىقارالىق ەنەرگەتكيالىق اگەنتتىك بيىل الەمدە كومىر ساتىلىمى ارتىپ، وتكەن جىلعى رەكوردتان اسىپ ءتۇسۋى مۇمكىن دەگەن بولجام جاساپ وتىر.

انتونيۋ گۋتەرريش، ب ۇ ۇ باس حاتشىسى:

- دۇنيەجۇزىندەگى بارلىق قارجى ورىندارى كومىر ءوندىرۋ سالاسىنا قوماقتى قارجى ءبولۋدى توقتاتۋى كەرەك. ءبىز بۇل وتىندى پايدالانۋدان بىرتىندەپ باس تارتۋىمىز قاجەت. ەكونوميكالىق ىنتىماقتاستىق ۇيىمىنا مۇشە ەلدەردىڭ بارلىعى 2030 -جىلعا قاراي كومىردى پايدالانۋدان ارىلۋى ءتيىس.

www.24.kz