سيفرلىق دامۋ مينيسترلىگىنە جاڭا مىندەت جۇكتەلدى

استانا. قازاقپارات - پرەمەر- مينيستر ءاليحان سمايىلوۆ «قازاقستان اۋماعىندا ورمان جانە دالا ءورتى كەزىندە جەردى قاشىقتان زوندتاۋ دەرەكتەرىن بەرۋ بويىنشا ۆەدومستۆوارالىق ءوزارا ءىس- قيمىلدى قامتاماسىز ەتۋ جونىندەگى شارالار تۋرالى» وكىمىنە قول قويدى، دەپ حابارلايدى قازاقپارات ءتىلشىسى.

وكىمگە سايكەس، ورمان جانە دالا ءورتى كەزىندە سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مىنالاردى ورىنداۋعا مىندەتتى:

- mchs.gharysh.kz جانە forest.gharysh.kz كەڭىستىكتىك دەرەكتەر گەوسەرۆيستەرىنىڭ ىركىلىسسىز جۇمىسىن ىستەۋىن قامتاماسىز ەتۋگە؛

- توتەنشە جاعدايلار مينيسترلىگىنىڭ وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ توتەنشە جاعدايلار دەپارتامەنتتەرىنە جانە ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنە mchs.gharysh.kz جانە forest.gharysh.kz كەڭىستىكتىك دەرەكتەر گەوسەرۆيستەرى ارقىلى جانۋ اۋماعىندا جەردى قاشىقتان زوندتاۋ دەرەكتەرىن بەرۋگە؛

- توتەنشە جاعدايلار، ەكولوگيا جانە تابيعي رەسۋرستار مينيسترلىكتەرى مەن ولاردىڭ اۋماقتىق بولىمشەلەرىنىڭ جۇمىسى ءۇشىن قاجەتتى كەڭىستىكتىك دەرەكتەردى (تەرمالدى نۇكتەلەردىڭ، ءورت ءسوندىرۋ بولىمدەرى مەن ستانتسيالاردىڭ ورنالاسقان جەرىنىڭ، اۋە كولىگىمەن دوڭعالاقتى كولىك سۋ الاتىن جەرلەردىڭ، ەرەكشە قورعالاتىن تابيعي اۋماقتار شەكارالارىنىڭ سيپاتتاماسىن قامتيتىن دەرەكتەر) mchs.gharysh.kz جانە forest.gharysh.kz كەڭىستىكتىك دەرەكتەر گەوسەرۆيستەرىندە ۋاقتىلى جۇكتەلۋىن قامتاماسىز ەتۋگە؛

- توتەنشە جاعدايلار، ەكولوگيا جانە تابيعي رەسۋرستار مينيسترلىكتەرى mchs.gharysh.kz جانە forest.gharysh.kz كەڭىستىكتىك دەرەكتەر گەوسەرۆيستەرىن پايدالانۋ ءتارتىبىن ءتيىستى ۆەدومستۆولىق قۇقىقتىق اكتىلەردە جانە جاۋاپتى قىزمەتكەرلەردى بەكىتە وتىرىپ، ولاردى پايدالانۋدى جانە ءورت قاۋىپتى كەزەڭدە كۇندەلىكتى مونيتورينگتەۋدى قامتاماسىز ەتەدى.

ايتا كەتەيىك، قازاقستاندا ورمان ءورتىن عارىشتان باقىلايتىن ءتورت سپۋتنيك بار.