جوعارعى باس قولباسشى: بروندى تەحنيكا، ۇشقىشسىز باسقارىلاتىن اپپاراتتار - مۇنىڭ ءبارىن ءوزىمىز شىعارا الامىز
پرەزيدەنتتىڭ پىكىرىنشە، ءبىزدىڭ اسكەرىمىز كاسىبي دەڭگەيى جوعارى، ۇتقىر جانە ەڭ كۇردەلى جاۋىنگەرلىك تاپسىرمالاردى ورىنداۋعا دايىن بولۋى قاجەت.
- ول ءۇشىن اسكەردى جوعارى تەحنولوگيالىق قارۋ-جاراقپەن جانە ساپالى اسكەري تەحنيكامەن جاراقتاندىرۋ، وق-دارىلەرمەن تولىقتاي قامتاماسىز ەتۋ ايرىقشا ماڭىزدى. جاقىندا جاريالاعان جولداۋىمدا مەن جەرگىلىكتى ءونىم ۇلەسى جوعارى ءوندىرىس تسيكلىن قۇرۋدى تاپسىردىم. بروندى تەحنيكا، ۇشقىشسىز باسقارىلاتىن ۇشۋ اپپاراتتارى، زاماناۋي اتىس قارۋلارى - مۇنىڭ ءبارىن ءبىز وزىمىزدە شىعارا الامىز. جالپى، قورعانىس-ونەركاسىپ كەشەنى اسكەرىمىزدىڭ جاۋىنگەرلىك قابىلەتىنە سەنىمدى تىرەك بولۋى قاجەت، - دەدى مەملەكەت باسشىسى.
ايتا كەتەيىك، مەملەكەت باسشىسى قاسىم-جومارت توقايەۆ الماتى وبلىسىندا ءوتىپ جاتقان «باتىل تويتارىس-2023» ستراتەگيالىق كوماندالىق-شتابتىق اسكەري وقۋ-جاتتىعۋ جيىنىن بارىپ كوردى.