جاڭا ءالىپبي جۇمىستارىمەن اينالىساتىن ءتىل ساياساتى كوميتەتى جاڭا مينيسترلىك قاراماعىنا اۋىسقان ەدى.
«مەملەكەت باسشىسىنىڭ تاپسىرماسىنا سايكەس قازىرگى ۋاقىتتا ۋاكىلەتتى ورگان تاراپىنان لينگۆيست- عالىمداردى تارتىپ، قازاق ءالىپبيىنىڭ جانە ەملە ەرەجەسىنىڭ جوبالارىن قايتا پىسىقتاۋ جۇمىستارى جۇرگىزىلۋدە. سونداي- اق عالىمدار تاراپىنان جاڭا ءالىپبيدىڭ عىلىمي- لينگۆيستيكالىق بازاسى، اتاپ ايتقاندا، ەملە انىقتاعىشىنىڭ جانە ەملە سوزدىگىنىڭ جوبالارى، جاڭا ءالىپبي نەگىزىندەگى قازاق ءتىلىنىڭ ورفوەپيالىق انىقتاعىشى، جاڭا ۇلتتىق الىپبيدە كىرمە تەرميندەردى ترانسليتەراتسيالاۋ جانە ترانسكريپتسيالاۋ انىقتاعىشى جانە باسقالارى ازىرلەنۋدە»، - دەپ جاۋاپ بەردى مينيسترلىك اگەنتتىكتىڭ رەسمي ساۋالىندا.
سونىمەن بىرگە، مينيسترلىك مەملەكەتتىك جانە مەملەكەتتىك ەمەس ۇيىمداردىڭ جاڭا ءالىپبي نەگىزىندە قازاق تىلىندە ءىس جۇرگىزۋگە كەزەڭ- كەزەڭمەن كوشۋى لاتىن گرافيكاسىنا نەگىزدەلگەن جەتىلدىرىلگەن ءالىپبي جانە ەملە ەرەجەلەرى ءتيىستى نورماتيۆتىك قۇقىقتىق اكتىلەرمەن بەكىتىلگەننەن كەيىن جۇزەگە اساتىنىن جەتكىزدى.
ايتا كەتەيىك، لاتىن الىپبيىنە كوشۋ تاقىرىبى 2017 -جىلى كوتەرىلە باستادى.
سول جىلى 26-قازاندا «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» پرەزيدەنت جارلىعى شىقتى.
بىلتىر ۇلىتاۋ وبلىسىندا وتكەن ۇلتتىق قۇرىلتايدا پرەزيدەنت قاسىم- جومارت توقايەۆ لاتىن الىپبيىنە كوشۋدە جان- جاقتى، تەرەڭ تالداۋ جاساپ بارىپ، تۇبەگەيلى شەشىم قابىلداۋ كەرەگىن ايتقان ەدى.