جەرلەۋگە ارنالعان ءبىر جولعى تولەم قالاي تاعايىندالادى

استانا. قازاقپارات - ەلىمىزدە ادام قايتىس بولعان جاعدايدا ونىڭ وتباسىنا ءبىرجولعى تولەم جاسالادى. جەرلەۋگە بەرىلەتىن تولەمنىڭ بىرنەشە ءتۇرى بار، دەپ حابارلايدى قازاقپارات ءتىلشىسى.

«قولدانىستاعى زاڭناماعا سايكەس جەرلەۋگە ارنالعان جاردەماقى زەينەتكەرلەر، مەملەكەتتىك الەۋمەتتىك جاردەماقىلار مەن مەملەكەتتىك ارنايى جاردەماقى الۋشىلار قايتىس بولعان جاعدايدا تاعايىندالادى. جەرلەۋگە ارنالعان ءبىرجولعى تولەم مولشەرى 2023 -جىلعى 1 -شىلدەدەن باستاپ 35 ا ە ك (ايلىق ەسەپتىك كورسەتكىش) نەمەسە 120750 تەڭگە. تولەمدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بولىمشەسىنە جۇگىنۋ ارقىلى، www.egov.kz «ەلەكتروندىق ۇكىمەت» ۆەب- پورتالى، سونداي- اق پرواكتيۆتى قىزمەتپەن الۋعا بولادى»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ قازاقپارات ءتىلشىسى جولداعان ساۋالعا جاۋابىندا.

ودان بولەك، ءبىرىڭعاي جيناقتاۋشى زەينەتاقى قورىندا (ب ج ز ق) جيناعى بار ادام قايتىس بولعان جاعدايدا ونىڭ وتباسى مۇشەلەرىنە 94 ا ە ك (2023 -جىلعى 1- شىلدەدەن باستاپ - 324300 تەڭگە) كولەمىندە جەرلەۋگە ءبىرجولعى تولەم تاعايىندالادى.

ءبىراق تولەم قايتىس بولعان ادامنىڭ جەكە زەينەتاقى شوتىندا بار قاراجاتتان ارتىق بولماۋى ءتيىس. تولەمدى الۋ ءۇشىن تۇرعىلىقتى جەرى بويىنشا ب ج ز ق فيليالىنا جۇگىنۋ كەرەك.

«سونداي- اق زەينەتاقى اننۋيتەتى شارتىن جاساسقان ادام قايتىس بولعان جاعدايدا ساقتاندىرۋ ۇيىمى زەينەتاقى اننۋيتەتى شارتىندا بەلگىلەنگەن مولشەردە، كەمىندە 35 ا ە ك (2023 -جىلعى 1- شىلدەدەن باستاپ - 120750 تەڭگە) تولەم جاسايدى»، - دەيدى ۆەدومستۆودان.

اۆتور:

داۋلەت ىزتىلەۋ