رۋبل مەن دوللاردىڭ بۇگىنگى باعامى قانداي

الماتى. قازاقپارات - استانا مەن الماتى قالالارىنداعى اقشا ايىرباستاۋ پۋنكتەرىندە دوللار 457 - 461 تەڭگەدەن ساۋدالانىپ جاتىر، دەپ حابارلايدى قازاقپارات ءتىلشىسى.

Kurs.kz دەرەكتەرى بويىنشا، استاناداعى ۆاليۋتا ايىرباستاۋ ورىندارىندا 1 دوللار 457- 461 تەڭگەدەن ساتىلىپ جاتىر. ال الماتىدا دوللار باعامى 457,5 - 460,5 تەڭگە ارالىعىندا قۇبىلىپ تۇر.

4-قىركۇيەك كەشكى ساۋدا قورىتىندىسىنا سايكەس، دوللار 2,81 تەڭگەگە قىمباتتاپ، 459,39 تەڭگەنى قۇرادى.

ۇلتتىق بانكتىڭ 5-قىركۇيەككە بەلگىلەگەن رەسمي باعامى: 1 دوللار - 459,52 تەڭگە، رەسەي رۋبلى - 4,76 تەڭگە بولدى.

الماتىداعى اقشا ايىرباستاۋ ورىندارىندا رۋبل 4,67 - 4,87 تەڭگە ارالىعىندا ساۋدالانىپ جاتىر. استانادا كورشى ەل ۆاليۋتاسى 4,66 - 4,76 تەڭگەدەن ۇسىنىلۋدا.