الماتىدا زاڭسىز جۇرگەن شەتەلدىكتەر ەلدەن قۋىلدى

الماتى. قازاقپارات- تاجىكستان مەن وزبەكستاننىڭ 30 ازاماتى كوشى-قون زاڭناماسىن بۇزعانى ءۇشىن ەلدەن شىعارىلدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، «ۋچاسكە» جەدەل الدىن الۋ ءىس-شاراسى بارىسىندا ەلىمىزدىڭ كوشى-قون زاڭناماسىن بۇزعان 2380 ادام انىقتالدى، ولاردىڭ 813 ى شەتەلدىك ازامات. ولار ق ر ا ق ب ت ك-نىڭ 517-بابى بويىنشا اكىمشىلىك جاۋاپكەرشىلىككە تارتىلدى.

«پوليتسيا دەپارتامەنتىنىڭ قابىلداپ-تاراتۋىنا جەكە باسىن كۋالاندىراتىن قۇجاتتارى جوق 387 شەتەل ازاماتى ورنالاستىرىلدى. سونىمەن قاتار شەتەلدىكتەردىڭ قازاقستاندا بولۋىنىڭ زاڭدىلىعىن قامتاماسىز ەتپەگەن 349 ازاماتقا قاتىستى اكىمشىلىك شارا قولدانىلدى»، - دەدى الماتى قالالىق پ د كوشى-قون قىزمەتى باسقارماسىنىڭ باستىعى اسحات بۋتۋنچينوۆ.

سونداي-اق ول تاجىكستان مەن وزبەكستاننىڭ 30 ازاماتى ەلدەن شىعارىلعانىن اتاپ ءوتتى.