ساراپشى قازاقستاندىق نوكاۋتشىنىڭ شەتتەلۋىنە كىنالى كىم ەكەنىن ايتتى

استانا. قازاقپارات - بوكستىڭ گەرمانيالىق شولۋشىسى لەيف حەينسمەن Vesti.kz تىلشىسىنە بەرگەن سۇحباتىندا اۋىر سالماقتاعى قازاقستاندىق جان كوسوبۋتسكيدىڭ (19-1، 18 ك و) نيگەريلىق ەفە ادجاگبامەن (18-1، 14 KO) جەكپە-جەكتە ديسكۆاليفيكاتسيامەن جەڭىلگەنىنە قاتىستى ويىن ايتتى.

26- تامىز ا ق ش- تىڭ تالسا قالاسىندا وتكەن بوكس كەشىندە كوسوبۋتسكي قارسىلاسىن بەلدەن تومەن ۇرا بەرگەندىكتەن ديسكۆاليفيكاتسيا الىپ، كارەراسىندا العاش رەت جەڭىلدى.

«بۇل ناشار جەكپە-جەك بولدى. ادجاگبا كوسوبۋتسكيدى ارانداتىپ وتىردى، ال تورەشى تاراپىنان ەش امال بولعان جوق. اقىرى قاجەتتى تاجىريبەنىڭ جوقتىعى قازاقستاندىقتىڭ ارى قارايعى ارەكەتىنە اسەر ەتتى. ول اشۋىن تەجەي المادى دا، تورەشىنىڭ ىسىنە قارسىلعىن وسىلاي كورسەتتى. ادجاگبا لاس جۇدىرىقتاسادى، ءبىراق مۇنى وتە جاقسى جاسىرادى. جان ءالى مۇنداي ارەكەتتەردى تۇسىنبەيدى. وكىنىشكە قاراي ول وندايعا دايىن بولمادى. بۇل وعان جاقسى ساباق بولادى جانە ءبىز ونى ءالى دە ۇلكەن ايقاستاردا كورەمىز دەپ ۇمىتتەنەمىن»، - دەيدى حەينسمەن.