استاناداعى الىپ ساعات نەگە جۇمىس ىستەمەي تۇر
وسى ورايدا قازاقپارات ءتىلشىسى ماسەلەنىڭ ءمانىن قالالىق اكىمدىكتەن سۇراپ كورگەن ەدى.
«الىپ ساعات» ديزاينى - سۋ اعىنى ارقىلى لازەرلىك شوۋدى تاراتۋعا ارنالعان ەكران رەتىندەگى سۋبۇرقاقتىڭ ءبىر ءتۇرى. ونىڭ قۇرىلىسى 2016-جىلى «سۋ ەكستراۆاگانزاسى» (ديزاين جوباسى) ءىس-شاراسىن دايىنداۋ جانە وتكىزۋ ءۇشىن ساتىپ الىندى.
سۋبۇرقاقتى كونسەرۆاتسيالاۋ بولىگىندە قىزمەت كورسەتۋ 2017-2018-جىلدارى جۇزەگە اسىرىلدى.
اكىمدىكتىڭ حابارلاۋىنشا، 2019-جىلدان باستاپ قازىرگى ۋاقىتقا دەيىن سۋبۇرقاق ەنەرگيامەن جابدىقتاۋ كابەلدەرى مەن باسقا دا شىعىن ماتەريالدارىن ۇرلاۋ سەبەبىنەن جۇمىس ىستەمەي تۇر. اتالعان فاكتى بويىنشا ەسىل اۋدانىنىڭ پوليتسيا باسقارماسى قىلمىستىق ءىس قوزعاعان.
استانا قالاسىنىڭ ۋربانيستيكا ورتالىعى جەكە ينۆەستيتسيالار ەسەبىنەن تەحنيكالىق تەكسەرۋ جۇرگىزۋ جانە سۋبۇرقاقتى قايتا ىسكە قوسۋ مۇمكىندىگىن قاراستىرۋ بويىنشا كومپانيالاردى تارتۋ ماسەلەسىن قاراستىرىلىپ جاتىر.