استانادا ش ى ۇ اياسىنداعى تەرروريزمگە قارسى كەڭەس وتىرىسى وتەدى

استانا. قازاقپارات – 8- قىركۇيەكتە شانحاي ىنتىماقتاستىق ۇيىمىنىڭ وڭىرلىك تەرروريزمگە قارسى قۇرىلىم كەڭەسىنىڭ 40-وتىرىسى وتەدى، دەپ حابارلايدى قازاقپارات ءتىلشىسى.

«2023-جىلعى 8- قىركۇيەكتە استانادا قازاقستاننىڭ توراعالىعىمەن شانحاي ىنتىماقتاستىق ۇيىمىنىڭ وڭىرلىك تەرروريزمگە قارسى قۇرىلىم كەڭەسىنىڭ 40-وتىرىسى وتەدى.

وتىرىس بارىسىندا ش ى ۇ- عا مۇشە مەملەكەتتەردىڭ قاۋىپسىزدىگىنە قاتەر توندىرەتىن تەرروريستىك، سەپاراتيستىك جانە ەكسترەميستىك ۇيىمدار مەن توپتاردىڭ زاڭسىز ارەكەتىنە بىرلەسكەن ءىس-قيمىلدى ۇيلەستىرۋگە قاتىستى ءبىرقاتار ماسەلەلەردى تالقىلاۋ جوسپارلانۋدا»، - دەدى مينيسترلىكتىڭ رەسمي وكىلى ايبەك سمادياروۆ.

ونىڭ ايتۋىنشا، كەڭەس وتىرىسىندا اقپاراتتىق قاۋىپسىزدىك سالاسىنداعى ىنتىماقتاستىق ماسەلەلەرى، الداعى ءىس-شارالارعا دايىندىق بارىسى قارالادى.