تۇركيادا جول اپاتىنا ۇشىراعان وتباسىنا قاتىستى سوڭعى مالىمەت بەلگىلى بولدى –س ءى م

استانا. قازاقپارات - تۇركياعا ساياحاتتاپ بارعان قازاقستاندىق وتباسى جول اپاتىنا ۇشىراپ، زارداپ شەكتى، دەپ حابارلايدى قازاقپارات ءتىلشىسى سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

«3- قىركۇيەكتە الانيادا جول-كولىك وقيعاسى بولىپ، قازاقستاندىق وتباسى زارداپ شەكتى. جول اپاتىنان وقيعا ورنىندا 1989-جىلى تۋعان ايەل مەن ونىڭ 2 جاسار قىزى قايتىس بولدى. وتاعاسى (1986-جىلى تۋعان) اۋىر جاعدايدا رەانيماتسيادا جاتىر. 2014-جىلى تۋعان ۇلى دا اۋرۋحانادا، ونىڭ دەنساۋلىعىنا اسا قاۋىپ تونبەگەن»، - دەلىنگەن س ءى م حابارلاماسىندا.

اقپاراتتا ايتىلعانداي، قازاقستاندىق ديپلوماتتار اپاتقا ۇشىراعان وتباسىنىڭ تۋىستارىمەن بايلانىستا وتىر.

«اتالعان وتباسىعا بارلىق قاجەتتى كونسۋلدىق-قۇقىقتىق كومەك كورسەتىلەدى. بۇل وتباسى تۇركيادا تۋريستەر رەتىندە بولدى جانە بۇگىن ەلگە ورالۋى كەرەك ەدى»، - دەيدى ۆەدومستۆودان.

بۇعان دەيىن تۇركيادا قازاقستان ازاماتشاسى مەن ونىڭ ەكى جاسار ءسابيى كوز جۇمعانىن حابارلاعان ەدىك.