ەلوردادا ۇلتتىق سپورت تۇرلەرىنەن كەزەكتى فەستيۆال باستالدى
«ق ر ۇلتتىق سپورت تۇرلەرىنەن فەستيۆالى التىنشى رەت استانا تورىندە باستاۋ الدى. ۇلتتىق سپورتتىڭ قاينار كوزى ۇلتتىق قۇندىلىقتار مەن جاۋىنگەرلىك ونەرگە بارىپ تىرەلەدى. عاسىرلار سىنىنان وتكەن مەرگەندىك، بالۋاندىق، زەرەكتىك، ەپتىلىك ونەرىنىڭ بۇگىنگى قايتا جاڭعىرعان بەينەسى - ۇلتتىق سپورت تۇرلەرى. ۇلتتىق سپورت تۇرلەرىنەن وتەتىن ءتورتجىلدىقتىڭ باستى جارىسىن قازىر ۇلتتىق سپورتتىڭ ىشكى وليمپياداسى دەپ تە اتاۋعا بولادى. فەستيۆال سوڭعى رەت 2019 -جىلى اقتوبە قالاسىندا ءوتىپ، تۇركىستان وبلىسى، استانا قالاسى، اقمولا وبلىسى ۇزدىك اتانعان بولاتىن»، - دەدى ۇلتتىق جانە ات سپورتى تۇرلەرى ورتالىعىنىڭ ديرەكتورى باقداۋلەت ءسابيتوۆ و ك ق- دە وتكەن بريفينگىدە.
سپيكەر اتاپ وتكەندەي، فەستيۆال قورىتىندىسى بويىنشا ەلىمىزدەگى ۇلتتىق سپورتتى جوعارى دەڭگەيدە دامىتىپ وتىرعان ۇزدىك 3 ءوڭىر انىقتالادى. فەستيۆالگە قاتىسۋعا 17 وبلىس پەن 3 قالادان 1362 سپورتشى تىركەلگەن.
ۇلتتىق سپورت جانكۇيەرلەرى 4-10 كۇندەرى ج. ۇشكەمپىروۆ اتىنداعى جەكپە- جەك قازاق كۇرەسىن، «Qazaqstan» جەڭىل اتلەتيكا سپورت كەشەنىنەن اسىق اتۋ مەن توعىزقۇمالاق، ال «اسپان» سپورت كەشەنىنەن جەكپە- جەك سپورتىن تاماشالاي الادى.
بۇعان قوسا، كوكپار، بايگە، تەڭگە ءىلۋ، جامبى اتۋ، اۋدارىسپاق، ءداستۇرلى ساداق اتۋ، قۇسبەگىلىك بويىنشا سايىستار «قازانات» يپپودرومىندا وتەدى.
ەسكە سالايىق، بيىل اقپاندا ۇلتتىق سپورت قاۋىمداستىعىنىڭ پرەزيدەنتى يسلامبەك سالجانوۆتى قابىلداعان پرەزيدەنت قاسىم- جومارت توقايەۆ دۇنيەجۇزىلىك كوشپەندىلەر ويىندارىن كەلەسى جىلى جوعارى دەڭگەيدە وتكىزۋدى تاپسىرعان ەدى.