دانيار ەلەۋسىنوۆ جاڭا مينيستردەن سەرىك ساپيەۆتى قىزمەتكە الۋدى سۇرادى
«جەكە تۋريزم جانە سپورت مينيسترلىگى قۇرىلعانى تۋرالى جاقسى جاڭالىق ەستىدىم. جاڭا مينيسترلىكتى بۇرىنعى سپورتشى ەرمەك مارجىقپايەۆ باسقاردى، بۇل ەكى ەسە جاعىمدى جاڭالىق. ەرمەك مارجىقپايەۆ، تاعايىندالۋىڭىزبەن قۇتتىقتايمىن! بىزگە سپورتتىڭ بارلىق ماسەلەلەرىن ىشتەي بىلەتىن جانە مەملەكەتتىك قىزمەتتە تاجىريبەسى بار سپورت ادامدارى قاجەت. وندا ءوز ءىسىنىڭ مامانى سەرىك ساپيەۆتى كورۋ جاقسى بولار ەدى. سەكە، ورالىڭىز جانە ءبىزدىڭ سپورتتى وليمپيادا بيىكتەرىنە كوتەرىڭىز»، - دەپ جازدى د. ەلەۋسىنوۆ nstagram-پاراقشاسىندا.
ەسكە سالايىق، 1-قىركۇيەك كۇنى پرەزيدەنت جارلىعىمەن جاڭادان 5 مينيسترلىك قۇرىلعان بولاتىن - سۋ رەسۋرستارى جانە يرريگاتسيا مينيسترلىگى؛ كولىك مينيسترلىگى؛ تۋريزم جانە سپورت مينيسترلىگى؛ مادەنيەت جانە اقپارات مينيسترلىگى؛ ونەركاسىپ جانە قۇرىلىس مينيسترلىگى.
تۋريزم جانە سپورت ءمينيسترى قىزمەتىنە 2019 -جىلدان بەرى اقمولا وبلىسىنىڭ اكىمى بولعان ەرمەك مارجىقپايەۆ تاعايىندالدى.
ال 40 جاستاعى سەرىك ساپيەۆ بوكستان ەكى دۇركىن الەم چەمپيونى، وليمپيادا جەڭىمپازى. 2017-2019 -جىلدارى - ءماجىلىس دەپۋتاتى، 2019-2021 -جىلدارى ق ر مادەنيەت جانە سپورت مينيسترلىگى سپورت جانە دەنە شىنىقتىرۋ كوميتەتىنىڭ باسشىسى بولدى. 2023 -جىلدىڭ ساۋىرىندە «قازاقستان سپورتشىلارى وداعى» ر ق ب پرەزيديۋمىنىڭ ءتوراعاسى قىزمەتىنە تاعايىندالدى.