گۇلزات كوبەنوۆا ق ر عىلىم جانە جوعارى ءبىلىم مينيسترلىگى كوميتەتىنىڭ ءتوراعاسى بولدى
بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
گۇلزات كوبەنوۆا 1978 -جىلى اقتوبە وبلىسىندا دۇنيەگە كەلگەن.
ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن، ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن ءتامامداعان.
ەڭبەك جولىن 1998 -جىلى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىنىڭ تاريح كافەدراسىنىڭ وقىتۋشىسى بولىپ باستاعان.
2002-2009 -جىلدارى ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىندە جانە اقتوبە پەداگوگيكالىق ينستيتۋتىندا باسشىلىق قىزمەتتەردى اتقاردى.
2009 -جىلدان باستاپ 2010 -جىلعا دەيىن — ق ر مادەنيەت جانە اقپارات مينيسترلىگىنىڭ اقپارات جانە مۇراعات كوميتەتىنىڭ اقپارات باسقارماسىنىڭ ساراپشىسى، باسشىسى قىزمەتتەرىن اتقاردى.
2010 -جىلدان باستاپ 2018 -جىلعا دەيىن ق ر ءبىلىم جانە عىلىم مينيسترلىگىندە باسشىلىق لاۋازىمداردا جۇمىس ىستەدى.
2018-2019 -جىلدارى — ق ر تۇڭعىش پرەزيدەنتى - ەلباسى ن. نازاربايەۆ كىتاپحاناسى ديرەكتورىنىڭ ورىنباسارى.
2019 -جىلعى قاڭتار- قىركۇيەك ارالىعىندا ق ر پرەزيدەنتى كەڭسەسىنىڭ سەكتور مەڭگەرۋشىسى جانە ينسپەكتورى لاۋازىمدارىن اتقاردى.
2019 -جىلعى قىركۇيەكتەن باستاپ 2020 -جىلعى قاڭتارعا دەيىن — ق ر ب ع م ءبىلىم جانە عىلىم سالاسىنداعى باقىلاۋ كوميتەتىنىڭ ءتورايىمى.
2020 -جىلدان باستاپ 2022 -جىلعا دەيىن ق ر ب ع م ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى بولىپ جۇمىس ىستەدى.
2022 -جىلدىڭ قازان ايىنان باستاپ قازىرگى ۋاقىتقا دەيىن — ق ر ع ج ب م عىلىم جانە جوعارى ءبىلىم سالاسىنداعى ساپانى قامتاماسىز ەتۋ كوميتەتىنىڭ ءتوراعاسى.