ا ە س قۇرىلىسىنا قاتىستى رەفەرەندۋم قاشان وتەدى - ەنەرگەتيكا ءمينيسترىنىڭ بولجامى

استانا. قازاقپارات - پارلامەنت پالاتالارىنىڭ بىرلەسكەن وتىرىسىنان كەيىن ەنەرگەتيكا ءمينيسترى الماسادام ساتقاليەۆ ا ە س قۇرىلىسىنا قاتىستى رەفەرەندۋم وتكىزۋ مەرزىمىنە وراي پىكىر ءبىلدىردى، دەپ حابارلايدى قازاقپارات ءتىلشىسى.

«رەفەرەندۋم ماسەلەسى قالاي جاساقتالادى؟ مەنىڭشە، ول پارلامەنت دەپۋتاتتارىن، قوعام وكىلدەرىن، بەلسەندىلەردى، سالا ساراپشىلارىن جۇمىلدىرۋ ارقىلى ۇجىمدىق جۇمىس بولار. سول جۇمىستىڭ قورىتىندىسىندا ءتيىس حابارلاندىرۋ جاسالادى»، - دەدى مينيستر ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، الەمدە ا ە س سالۋ تۋرالى شەشىم قابىلدانىپ، نىسان سالىنعانعا دەيىنگى ارالىققا ورتاشا ەسەپپەن 15 جىل كەتەدى.

«ستانسا قۇرىلىسى كەزىندە جوبالاۋعا، تەحنولوگياعا ىرىكتەۋگە 3-4 جىل، ودان كەيىن قۇرىلىس جۇمىستارىنا 12 جىلعا دەيىن ۋاقىت كەتەدى. ياعني، بۇل ۇزاق پروتسەسس»، - دەدى الماسادام ساتقاليەۆ.

سونىمەن قاتار ول قازاقستاندا ەنەرگەتيكانى دامىتۋعا قاتىستى ناقتى جوسپاردىڭ بار ەكەندىگىن اتاپ ءوتتى.

«بىزدە زور الەۋەت بار. ەلىمىزدە ەنەرگەتيكانى دامىتۋعا قاتىستى ناقتى جوسپار تۇزىلگەن. پرەزيدەنت جانىنداعى ەلەكتر-ەنەرگەتيكا كەشەنىن دامىتۋ جونىندەگى كەشەندە قازاقستاننىڭ تاياۋ جىلداردىڭ ىشىندە-ا ۇ ەلەكتر ەنەرگەتيكاسىنا، مۇناي ونىمدەرى مەن وزگە دە قاجەتتى رەسۋرستارعا تاۋەلسىزدىگىن كوزدەيتىن بازالىق ءادىس قارالعان بولاتىن»، - دەدى ول.