الماتى وبلىسىندا قونايەۆ اكادەميالىق قالاشىعى سالىنادى

قونايەۆ. قازاقپارات - عىلىم جانە جوعارى ءبىلىم مينيسترلىگى الماتى وبلىسىندا قونايەۆ اكادەميالىق قالاشىعى سالىناتىنىن مالىمدەدى، دەپ حابارلايدى قازاقپارات.

31 -تامىزدا قونايەۆ قالاسىندا الماتى وبلىسىنىڭ اكىمدىگى، ق ر عىلىم جانە جوعارعى ءبىلىم مينيسترلىگى، «Qonayev Academic Campus» Fund» كومەرتسيالىق ەمەس ۇيىمى باسشىلىقتارىنىڭ جانە ب ا ق وكىلدەرىنىڭ قاتىسۋىمەن «ءوزارا ىنتىماقتاستىق تۋرالى» ءۇشجاقتى مەموراندۋمعا قول قويۋ ءراسىمى ءوتتى.

اتالعان قۇجاتقا وبلىس اكىمى م. ە. سۇلتانعازيەۆ، مينيستر س. نۇربەك جانە قوردىڭ ديرەكتورى ج. راحماني قول قويدى.

بۇل ۋاعدالاستىققا ق ر پرەزيدەنتى ق. ك. توقايەۆتىڭ قونايەۆ قالاسىندا «قونايەۆ اكادەميالىق قالاشىعىن» سالۋ جونىندەگى بەرگەن تاپسىرماسىن ورىنداۋ ماقساتىندا قول جەتكىزىلىپ وتىر.

كەلىسىم شەڭبەرىندە قالاشىق اۋماعىنا 2023-2024 -جىلداردا تولىق ينفراقۇرىلىم جۇرگىزۋ، حالىقارالىق ۇيىمدار مەن ينۆەستيتسيالىق قورلاردان قارجىلار تارتۋ ارقىلى 2024-2027 -جىلدار ارالىعىندا ەلىمىزدىڭ ءتورت ۋنيۆەرسيتەتىن كوشىرۋ (1-كەزەڭدە) جانە شەتەلدىك ءتورت ۋنيۆەرسيتەتتى اشۋ (2-كەزەڭدە) ، عىلىمي- زەرتتەۋ ورتالىقتارى مەن زەرتحانالار، جاتاقحانالار مەن قوناق- ۇيلەر سالۋ، جۇمىستارى اتقارىلاتىن بولادى.