استانادا اتىراۋ اۋىل شارۋاشىلىعى ونىمدەرىنىڭ جارمەڭكەسى وتەدى

استانا. قازاقپارات - ەلوردادا 9-10-قىركۇيەك ارالىعىندا اتىراۋ وبلىسىنىڭ اۋىل شارۋاشىلىعى تاۋارلارىنىڭ جارمەڭكەسى وتەدى، دەپ حابارلايدى قازاقپارات.

اتىراۋ وبلىسى اۋىل شارۋاشىلىعى باسقارماسى تاراتقان مالىمەتكە سايكەس، جارمەڭكەدە ەت جانە ءسۇت ونىمدەرىنىڭ 17، بالىق جانە بالىق ونىمدەرىنىڭ 48، باۋ-باقشا ونىمدەرىنىڭ 12 ءتۇرى، بارلىعى 72 توننا اۋىل شارۋاشىلىعى تاۋارلارى ۇسىنىلادى. جارمەڭكە استانا قالاسى، تاۋەلسىزدىك داڭعىلى، 50-مەكەنجايىندا، قازاق ۇلتتىق ونەر ۋنيۆەرسيتەتىنىڭ اۋماعىندا وتەدى.

ايتا كەتەيىك، وتكەن جىلى جارمەڭكەگە اتىراۋ وبلىسىنان 110 توننا اۋىل شارۋاشىلىعى ءونىمى، ونىڭ ىشىندە 44 توننا بالىق قويىلعان بولاتىن.