پاۆلوداردا ءساتسىز سۇندەتتەلگەن بالا بىردەن استاناعا جەتكىزىلدى
بالانىڭ اناسىنىڭ ايتۋىنشا، ولار بالانى 23- تامىزدا وبلىستىق اۋرۋحاناعا اكەلگەن. قالىپتى سانالاتىن پروتسەدۋرا جوسپار بويىنشا وتپەگەن: دارىگەر بالانىڭ جىنىس مۇشەسىنىڭ ۇشتەن ءبىر بولىگىن كەسىپ الىپ تاستاعان، ءزار شىعارۋ كانالى زاقىمدالعان.
اتا-انا جاعداي تۋرالى الەۋمەتتىك جەلىدە جاريالادى. ايتۋلارىنشا، ءبولىم مەڭگەرۋشىسى دارىگەردىڭ قاتەلىگىن مويىنداعان.
ال دەنساۋلىق ساقتاۋ باسقارماسى وقيعانىڭ ءمان-جايىنا قاتىستى ازىرگە تۇسىنىك بەرە المايتىنىن ءمالىم ەتتى. اتالعان فاكتى بويىنشا كوميسسيا قۇرىلىپ، قىزمەتتىك تەكسەرۋ باستالعان. ال 5 جاسار بالانى تاجىريبەلى دارىگەر سۇندەتتەگەنى بەلگىلى بولدى.
«ق ر د س م مەديتسينالىق جانە فارماتسيەۆتيكالىق باقىلاۋ كوميتەتى پاۆلودار وبلىستىق دەپارتامەنتىنە وسى جاعداي بويىنشا جوسپاردان تىس تەكسەرۋ باستاۋ ءۇشىن حات جولداندى. وسى وتانى جاساعان ماماننىڭ 13 جىلدىق قىزمەت ءوتىلى بار، سونداي-اق «بالالار حيرۋرگياسى» ماماندىعى بويىنشا ءبىرىنشى بىلىكتىلىك دەڭگەيى بار. قازىرگى ۋاقىتتا دارىگەر وپەراتسيا جاساۋدان شەتتەتىلدى»، - دەدى دەنساۋلىق ساقتاۋ باسقارماسىنان.
قازىرگى ۋاقىتتا بالا استاناداعى انا مەن بالا ورتالىعىنىڭ ۋرولوگيا بولىمىندە ەم قابىلداپ جاتىر. ونىڭ جاعدايىن دارىگەرلەر تۇراقتى دەپ باعالاپ وتىر.