قايتىس بولعان ادامنىڭ سالىق بەرەشەگىن كىم تولەۋى كەرەك؟
بۇل سۇراققا مەملەكەتتىك كىرىستەر كوميتەتى جاۋاپ بەردى، - دەپ حابارلايدى Massaget.kz ءتىلشىسى.
ۆەدومستۆو بايلانىس ورتالىعىنا ءجيى قويىلاتىن سۇراقتاردىڭ ءبىرى جەكە تۇلعانىڭ كولىك قۇرالى ءۇشىن سالىق تولەۋگە قاتىستى ەكەنىن اتاپ ءوتتى.
«كولىكتى ءوز اتىمىزعا قايتا راسىمدەگىمىز كەلىپ ەدى، بۇرىنعى يەسى قايتىس بولعان. بۇرىنعى يەسىنىڭ قارىزدارى بار ەكەن، ياعني كولىك سالىعى تولەنبەگەن. كولىك سالىعى بويىنشا قارىزدى كىم جانە قالاي تولەۋى كەرەك»، - دەپ سۇرادى سالىق تولەۋشىلەر «ۆوپروس نەدەلي» ايدارى اياسىندا.
م ك ك جاۋابىنا سايكەس، بەرەشەكتى مۇراگەر مۇراعا قالدىرىلعان مۇلىك شەگىندە جانە ونى العان كۇنى مۇراداعى ۇلەسكە بارابار وتەۋى ءتيىس.
«جەكە تۇلعا قايتىس بولعان كۇنى نەمەسە قايتىس بولدى دەگەن سوتتىڭ ءتيىستى شەشىمى بولسا، وندا قارىز قايتىس بولدى دەپ جاريالانعان كۇنى قالىپتاسقان بەرەشەك سوماسىنا جۇرگىزىلەدى. ۋاقىتىلى تولەمەگەنى ءۇشىن ءوسىمپۇل جەكە تۇلعا قايتىس بولعان كۇنگە دەيىن ەسەپتەلىپ، تولەنەدى»، - دەپ حابارلادى كوميتەت.