شىعىس قازاقستاندا ءبىر جىلدان استام ۋاقىت بۇرىن جوعالعان ەر ادام تابىلدى

وسكەمەن. قازاقپارات - شىعىس قازاقستان وبلىسىندا ءبىر جىلدان استام ۋاقىت بۇرىن جوعالىپ كەتكەن ەر ادام تابىلدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 2022-جىلدىڭ ءساۋىر ايىندا زەينەتكەر ايەل كاتونقاراعاي اۋداندىق پوليتسيا بولىمىنە جۇگىنگەن.

ول 45 جاستاعى ۇلىنىڭ جوعالىپ كەتكەنىن جەتكىزدى.

«پوليتسيا قىزمەتكەرلەرى جەدەل-ىزدەستىرۋ شارالارىن جۇرگىزگەنىمەن ەر ادامدى تابۋ مۇمكىن بولمادى. ونىڭ قايدا جۇرگەنى 2023-جىلدىڭ تامىز ايىندا عانا انىقتالدى. بۇعان ازاماتتىڭ «الماتى-وسكەمەن» باعىتىندا تەمىرجول بيلەتىن ساتىپ العانىنىڭ سەپتىگى ءتيدى»، - دەلىنگەن اقپاراتتا.

بەلگىلى بولعانداي، ەر ادام وتكەن جىلدان بەرى الماتى قالاسىندا تۇرىپ كەلگەن.

سوندا جۇمىس ىستەپ جۇرگەن ول ءتىپتى ءوزىن بىرەۋدىڭ ىزدەپ جاتقانىن بىلمەگەنىن ايتتى.

ايتا كەتەيىك، وبلىس پوليتسەيلەرى جىل باسىنان بەرى جوعالعان 35 ادامدى تاپتى.