الماتىدا اۆتوبۋستارعا تەگىن اۋىسىپ ءمىنۋ قاشان جۇزەگە اسادى
شاھار باسشىسىمەن كەزدەسۋگە كەلگەن المالى اۋدانىنىڭ تۇرعىنى اكىمنەن قوعامدىق كولىكتەرگە قاتىستى جاڭا تاريف تۋرالى سۇرادى.
«ءسىز پرەزيدەنتپەن كەزدەسۋدە «وڭاي» ىسكە قوسىلعان ساتتەن باستاپ الماتىلىقتارعا ۋادە ەتىلگەن ەكىنشى كولىككە تەگىن اۋىسىپ وتىرۋعا مۇمكىندىك بەرەتىن جاڭا تاريفتىك تولەم ەنگىزىلەتىنىن ايتتىڭىز. ول قالاي قالاي جۇزەگە اسادى جانە تاسىمالداۋشىلارعا بەرىلەتىن سۋبسيديالار قانشالىقتى ۇلعايادى. اكىمدىك بۇل اقشانى قايدان الادى، بۇل نەنى ۇنەمدەيدى؟»، - دەپ سۇرادى جەرگىلىكتى تۇرعىن.
ەربولات دوسايەۆ ازىرگە سۋبسيديالار تۋرالى ءسوز قوزعالماعانىن جەتىكىزدى.
«سۋبسيديالار تۋرالى ءالى ءسوز قوزعالعان جوق. وزدەرىڭىز بىلەتىندەي، ءماسليحات تاريفتى كوتەرۋ، ياعني نارىقتىق پرينتسيپكە كوشۋ تۋرالى ۇسىنىسىمىزدى قولدادى. كەرىسىنشە، مىندەتىمىز - جىل سايىن تاسىمالداۋشىلارعا بولەتىن سۋبسيديالاردى ازايتۋ. ايدىڭ اياعىندا جەرگىلىكتى بيۋدجەتتەن بولىنەتىن قاراجاتتى كۇتىپ وتىرماي، تاۋەلسىز بولۋى ءۇشىن. ال الماتى قالاسىنىڭ باس جوسپارى مەن كولىكتىك نەگىزى جانە تاريفتىك ءمازىر ماسەلەلەرى ءقازىر ازىرلەنىپ جاتىر. جىل اياعىنا دەيىن تاريفتىك ءمازىردى قابىلدايمىز، ەگەر ولار جول ءجۇرۋ كارتاسىن السا نەمەسە pass، ونىڭ ىشىندە تەگىن اۆتوبۋستارعا اۋىسىپ ءمىنۋ تاريفى قامتاماسىز ەتىلەدى دەپ بولجانعان» ، - دەدى اكىم.
ايتۋىنشا، قازىر كولىك حولدينگىمەن وسى ماسەلەنى پىسىقتاپ جاتىر.
«قازاننىڭ اياعىندا تاريفتىك ءمازىردى ۇسىنىپ، قالا تۇرعىندارىنىڭ پىكىرىن سۇراپ، ءارى قاراي بەكىتەمىز دەپ ويلايمىن»، - دەدى ەربولات دوسايەۆ.
بۇعان دەيىن ەربولات دوسايەۆ مەملەكەت باسشىسىنا الماتىدا LRT جانە BRT ەسكەرە وتىرىپ، قوعامدىق كولىكتە ەكىنشىسىنە اۋىسىپ وتىرۋ تەگىن بولاتىنىن ايتقان ەدى.