قازاقستاندا ورىس ءتىلدى مەكتەپتەردىڭ ازايعانىن ايتقان رەسەيلىك كونسۋل قىزمەتىنەن كەتتى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
الماتىداعى ر ف باس كونسۋلى ەۆگەني بوبروۆتىڭ پىكىرى رەسەيلىك ب ا ق- تا جاريالانعان. ول ورىس ءتىلىن قولدانۋ مەن ۇيرەنۋ دەڭگەيى تومەندەپ كەلە جاتقانىن، ورىس تىلىندەگى مەكتەپتەر مەن سىنىپتار ازايىپ جاتقانىن ايتقان ەدى.
وسىعان بايلانىستى جۋرناليستەر سىرتقى ىستەر مينيسترلىگىنىڭ قانداي پىكىردە ەكەنىن سۇرادى.
«مۇمكىن ول كىسى تولىق اقپاراتتى بىلمەيتىن شىعار. الماتىدا جۇمىس ىستەگەندىكتەن، الماتىنىڭ اقپاراتىمەن شەكتەلگەن بولار. ءبىراق ايتايىن دەگەنىم، ول كىسى 26- تامىزدان بەرى قازاقستاندا جۇمىس ىستەمەيدى. قازىر ول باس كونسۋل ەمەس»، - دەدى ا. سمادياروۆ مينيسترلىكتە وتكەن اپتالىق بريفينگتە.
سونىمەن بىرگە، رەسمي وكىل قازاقستان مەكتەپتەرى تۋرالى وقۋ-اعارتۋ مينيسترلىگىنىڭ دەرەكتەرىن جەتكىزدى.
«قازاقستاندا 7711 مەملەكەتتىك مەكتەپتىڭ 3957 ءسى قازاق تىلىندە، 1203 ءى ورىس تىلىندە، ال 2551 مەكتەپ - قازاق جانە ورىس تىلدەرىندە ارالاس وقىتادى. بۇل - وتە ۇلكەن كورسەتكىش»، - دەدى ا. سمادياروۆ.
جۋرناليست: وسىنداي لاۋازىمدى تۇلعالاردىڭ قازاقستاننىڭ ىشكى ماسەلەسىنە قانداي دا ءبىر باعا بەرىپ، پىكىر ءبىلدىرۋىن سىزدەر قالاي باعالايسىزدار؟
ا. سمادياروۆ: ارينە، ول دۇرىس ەمەس.
جۋرناليست: شارا قولداناسىزدار ما؟
ا. سمادياروۆ: قازىر ول قازاقستاندا جوق، كەتىپ قالدى.
جۋرناليست: وسى وقيعادان كەيىن كەتتى مە؟
ا. سمادياروۆ: ەشتەڭە ايتا المايمىن.