قاراعاندىدا ۋلانعان بالالاردىڭ تاعى ءبىرى اۋرۋحانادا كوز جۇمدى

قاراعاندى. قازاقپارات - قاراعاندىنىڭ كوپسالالى بالالار اۋرۋحاناسىندا ارناۋلى الەۋمەتتىك قىزمەتتەر ورتالىعىنان تۇسكەن بالالاردىڭ ءبىرى بۇگىن كوز جۇمدى.

دارىگەرلەردىڭ الدىنا الا قورىتىندىسى بويىنشا، بالانىڭ كوز جۇمۋىنا جۇرەك جەتكىلىكسىزدىگى سەبەپ بولعان، دەپ حابارلايدى قازاقپارات ءتىلشىسى.

قاراعاندى اۋرۋحانالارىندا ارنايى الەۋمەتتىك قىزمەتتەر ورتالىعىنان تۇسكەن بالالاردى ەمدەۋ جالعاستىرىلىپ جاتىر. الايدا، دارىگەرلەردىڭ بارلىق ارەكەتتەرىنە قاراماستان، ءبىر ناۋقاستى قۇتقارۋ مۇمكىن بولمادى.

«كوپسالالى قالالىق بالالار اۋرۋحاناسىندا جاتقان 2012-جىلعى بالا 28- تامىزدا قايتىس بولدى. بالانىڭ جاعدايى باسىنان وتە اۋىر ەدى. تەراپيا تاكتيكاسى رەسپۋبليكالىق ماماندارمەن ۇنەمى تالقىلانىپ وتىردى. بالانىڭ قايتىس بولۋىنىڭ سەبەبى - جۇرەك جەتكىلىكسىزدىگى»، - دەپ حابارلادى قاراعاندى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن.

تاعى بەس بالا جان ساقتاۋ بولىمىندە ەم الىپ جاتىر. ولاردىڭ جاعدايى تۇراقتى اۋىر.

ەستەرىڭىزگە سالا كەتەيىك، 30- شىلدەدە قاراعاندى وبلىسىنىڭ بالالارعا ارناۋلى الەۋمەتتىك قىزمەت كورسەتۋ ورتالىعىندا بىرنەشە بالا ۋلانىپ، ونىڭ بىرەۋى قايتىس بولدى، التاۋى جانساقتاۋ بولىمىنە جاتقىزىلدى.