جىل باسىنان بەرى وڭىردە قىزىلشا بولۋى مۇمكىن 119 جاعداي تىركەلگەن.
ونىڭ 70 ءى زەرتحانالىق تەكسەرۋدەن سوڭ دالەلدەنىپ وتىر. ۆيرۋس جۇقتىرۋشىلار اراسىندا 14 جاسقا دەيىنگى 48 بالا بار.
سونداي- اق، ەپيدەميولوگتار جۇرگىزگەن تالداۋ ناتيجەسىندە قىزىلشاعا قارسى ۆاكسينادان باس تارتقانداردىڭ كوبى ينفەكسيا جۇقتىرعانى بەلگىلى بولعان.
ولاردىڭ اراسىندا ورداباسى، ساۋران، قازىعۇرت، شاردارا اۋداندارىنىڭ تۇرعىندارى كوپ.
«قىزىلشا - كوبىنە بالالار اراسىندا ءجيى كەزدەسەتىن، اۋا- تامشى جولدارى ارقىلى تارايتىن ينفەكتسيا. كۇز- كوكتەم مەزگىلدەرى - ەپيدەميالىق ماۋسىمى سانالادى. ادامنان ادامعا جۇعۋى وتە جوعارى. اۋرۋدىڭ جاسىرىن كەزەڭى - 7-21 كۇن. اۋرۋ بەلگىلەرى ناۋقاسپەن بايلانىستا بولعاننان كەيىن سۋىق ءتيۋدىڭ بەلگىلەرىنە ۇقساس سيمپتومدارمەن بىلىنە باستايدى» دەلىنگەن تۇركىستان وبلىستىق سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان اقپاراتتا.