شىمكەنتتە نوسەر جاۋىننان كەيىن بازار ءىشىن سۋ باستى - ۆيدەو

شىمكەنت. قازاقپارات - شىمكەنتتە قاتتى جاۋىن-شاشىننىڭ كەسىرىنەن بازار ءىشىن سۋ باستى، دەپ حابارلايدى قازاقپارات ءتىلشىسى.

شىمكەنتتە كەشە تۇننەن بەرى نوسەر جاڭبىر جاۋىپ، تۇرعىنداردى ابىگەرگە سالدى.

ال بۇگىن توتەنشە جاعداي قىزمەتى قالا كوشەلەرىن جينالىپ قالعان جاڭبىر سۋىنان تازارتىپ جاتىر.

بۇل جۇمىسقا 12 تەحنيكا، 11 موتوپومپا جانە 37 جەكە قۇرام قىزمەتكەرى جۇمىلدىرىلعان.

ال، الەۋمەتتىك جەلىدە قاتتى نوسەردەن بازارلارداعى جاعدايدىڭ قيىنداعانىن كورۋگە بولادى.

شاتىردان وتكەن جاڭبىردان ساتۋشىلاردىڭ تاۋارلارى سۋ بولىپ، جارامسىز كۇيگە تۇسكەن. نوسەر سۋ بازار ىشىندە وزەن سەكىلدى ۇلكەن جىلدامدىقپەن اققان.

«قازگيدرومەت» ماماندارى بۇگىن وڭىردە كۇن رايى جىلى بولعانمەن، ەرتەڭنەن باستاپ جەل تۇراتىنىن حابارلادى.

ال، 30-31-تامىز كۇندەرى جاڭبىر جاۋىپ، اۋا تەمپەراتۋراسى تومەندەيدى. كەي جەرلەردە نايزاعاي ويناپ، بۇرشاق جاۋۋى ىقتيمال.

ايتا كەتەيىك، كەشە شىمكەنتتە بۇرىن- سوڭدى بولماعان بۇرشاق جاۋدى.