قوستاناي وبلىسىندا اۋىل سىرتىنان ءوزىن ولتىرگەن بويجەتكەننىڭ دەنەسى تابىلدى

قوستاناي. قازاقپارات - قوستاناي وبلىسىنداعى ارحيپوۆكا اۋىلىنىڭ ماڭىنان قىزدىڭ دەنەسى تابىلدى، دەپ حابارلايدى قازاقپارات ءتىلشىسى.

قوستاناي وبلىسىنىڭ پوليتسيا دەپارتامەنتى بۇل فاكتىگە تۇسىنىك بەردى.

«27 -تامىز كۇنى ساعات 17.00-دە ارحيپوۆكا اۋىلىنان 5 شاقىرىم جەردە ساڭىراۋقۇلاق تەرۋشىلەر الدىن الا بولجام بويىنشا ءوز- وزىنە قول جۇمساعان قىزدىڭ دەنەسىن تاپتى. قازىرگى ۋاقىتتا پوليتسيا وسى فاكتى بويىنشا ق ر قىلمىستىق كودەكسىنىڭ 105-بابى (ءوزىن- ءوزى ولتىرۋگە جەتكىزۋ) بويىنشا سوتقا دەيىنگى تەرگەۋ امالدارىن باستادى»، - دەپ ءتۇسىندىردى پوليتسيا دەپارتامەنتىنىڭ باسپا ءسوز قىزمەتىنەن.

ايماقتىق ب ا ق- تىڭ حابارلاۋىنشا، جەلىدە قىزدىڭ دەنەسى تابىلعان جەردەن ۆيدەو تاراعان.

ۆەدومستۆونىڭ مالىمەتىنشە، قازىرگى كەزدە تەرگەۋ امالدارى جۇرگىزىلىپ، ساراپتاما تاعايىندالدى.