قازاقستاندىق اۋىر سالماقتاعى بوكسشى ا ق ش-تا بوكس ەرەجەسىن بۇزعانى ءۇشىن جارىستان شىعارىلدى

استانا. قازاقپارات - قازاقستاندىق اۋىر سالماقتاعى بوكسشى جان كوسوبۋتسكي (19-0، 18 ك و) تالستا (ا ق ش، وكلاحوما شتاتى) وتكەن بوكس كەشىندە جەكپە-جەككە قاتىسۋ قۇقىعىنان ايىرىلدى، دەپ حابارلايدى قازاقپارات Sports.kz پورتالىنا سىلتەمە جاساپ.

جان كوسوبۋتسكي نيگەريالىق ەفە ادجاگبامەن (17-1، 13 ك و) جۇدىرىق ءتۇيىستىردى. بۇل - قازاقستاندىق سپورتشى مانسابىنداعى ەڭ ۇلكەن جەكپە-جەك ەدى.

اۋىر سالماقتاعى جەكپە-جەك ون راۋندقا ەسەپتەلگەن. قازاقستاندىق سپورتشى ەرەجەنى جۇيەلى تۇردە بۇزعانى ءۇشىن ءتورتىنشى راۋندتا جارىستان شىعارىلىپ، جەڭىس ەفە ادجاگباعا بەرىلدى.

وسىلايشا، ەفە ادجاگبا كاسىبي مانسابىندا ون سەگىزىنشى رەت جەڭىسكە جەتتى، ال جان كوسوبۋتسكي ءبىرىنشى جەڭىلىپ قالدى.

جان كوسوبۋتسكي - WBC International نۇسقاسى بويىنشا حەۆيۆەيت چەمپيونى. ول بۇعان دەيىن IBO Inter- Continental بەلدىگىن جەڭىپ العان.

ەسكە سالا كەتسەك، تاعى ءبىر قازاقستاندىق بوكسشى ابىلايحان ءجۇسىپوۆ (3-0، 2 ك و) تالستا (سشا، شتات وكلاحوما) وتكەن بوكس كەشىندە ونەر كورسەتىپ، قارسىلاسىن تەحنيكالىق نوكاۋتپەن جەڭدى.