ماماندىعىنىڭ سۋىعىنا توڭىپ، ىستىعىنا كۇيگەن ادام كاسىبىن اۋىستىرمايدى - جەتىسۋلىق مال دارىگەرى
ەڭبەگىنە قاراي ونبەگى. بۇگىندە بىلگەن- تۇيگەنىن جاستارعا ۇيرەتىپ ءجۇر، دەپ حابارلايدى قازاقپارات ءتىلشىسى.
قايرات مۇراتالىنوۆ 1963 -جىلى قازىرگى قابليسا جىراۋ اۋىلىندا ومىرگە كەلگەن. 1980 -جىلى مال دارىگەرى ماماندىعى بويىنشا ءبىلىم الدى. سودان بەرى كوكسۋ اۋداندىق ۆەتەريناريا ستانتسياسىندا ەڭبەك ەتىپ كەلەدى. بۇل قىزمەتتە جۇرگەنىنە 20 جىلدان استى.
ايتۋىنشا، ءار كاسىپتىڭ، ياعني ماماندىقتىڭ وزىنە ءتان ەرەكشەلىكتەرى بولادى. ەگەر ادام ءوز ماماندىعىن جاقسى كورەتىن بولسا، سونىڭ قىر-سىرىن تەرەڭ مەڭگەرىپ، سۋىعىنا توڭىپ، ىستىعىنا كۇيسە ەشقاشان كاسىبىن اۋىستىرمايدى.
«جۇمىستىڭ وڭايى بولمايدى. ءار كاسىپتىڭ ءوز قيىنشىلىعى بار. ادام ءبىر سالاعا ماماندانىپ، سول ماماندىعىنىڭ قىر- سىرىن مەڭگەرسە سوندا عانا ونداي جان قوعامعا دا، ءوزى ەڭبەك ەتەتىن ۇجىمعا جانە جەكە ءوز باسىنا دا پايداسىن تيگىزبەك. ال، كەرىسىنشە بولسا، ونداي ادامنان قوعامعا دا، وزىنە دە پايدا جوق. مەن ءوز ماماندىعىمدى وتە جاقسى كورەمىن. مال دارىگەرى بولعاننان كەيىن قىس، جاز، كۇز وتگونعا بارامىز. جازدا جايلاۋعا بارامىز. جاۋىن شاشىن بولادى. مال دارىگەرلىك ءسۇيىپ قالاعان ماماندىق بولعان سوڭ ىستەيمىز. ءتورت- تۇلىكتى قازىر قولدان ۇرىقتاندىرامىز، اسىلداندىرامىز. ءار جۇمىستىڭ ءوزىنىڭ قيىنشىلىعى بولادى. بارىنە دە توزە ءبىلۋ كەرەك»، - دەيدى قايرات مۇراتالىنوۆ.
مال دارىگەرىنىڭ سوزىنشە، كەيدە جۇمىسى تاڭعى 4-تەن كەشكى ساعات 19:00-دەيىن جالعاسادى ەكەن. اۋدانداعى 115 مىڭنان اسا مالعا ءار التى اي سايىن ۋاقىتىلى ەكپە جۇمىسىن جۇرگىزەدى.
بۇگىنگى كۇنى قايرات مۇراتالىنوۆ جاستارعا ءوز بىلگەن، تۇيگەنىن ءۇيرتىپ ءجۇر.
«قايرات اعامەن بىرگە جۇمىس ىستەپ كەلە جاتقانىما مىنە 9 جىل بولدى. وسى ۋاقىت ىشىندە ماماندىعىمنىڭ قىر-سىرىن وسى كىسىنىڭ ارقاسىندا مەڭگەردىم. بۇل كىسىگە راقمەت. ءبىز سياقتى جاس ماماندارعا ۇيرەتۋدەن جالىققان ەمەس. قايرات اعا-جۇمىسىنا ۇلكەن جاۋاپكەرشىلىكپەن قارايتىن، تاجىربيەسى مول، ادامگەرشىلىگى زور ادام»، - دەيدى ەرلان ەشبايەۆ كوكسۋ اۋداندىق ۆەتەريناريا ستانتسياسىنىڭ باس مامانى.
ەڭبەك ادامى قۇداي قوسقان قوساعىمەن 5 بالا تاربيەلەپ وتىر. قازىردە ۇل- قىزدارىنان 13 نەمەرە ءسۇيدى. ەڭبەگى ەسەلەنىپ، ءبىرقاتار ديپلومدار مەن قۇرمەت گراموتالارىنا يە بولعان.
وسى جىلدىڭ ماۋسىم ايىندا پرەزيدەنت قاسىم-جومارت توقايەۆ ۇلتتىق قۇرىلتايدىڭ نەگىزگى وتىرىسىندا ەڭ ۇزدىك ەڭبەك ادامدارىن مەملەكەتتىك دەڭگەيدە ۇلىقتاۋ تۋرالى باستاما كوتەرگەن ەدى.
«قاجەتسىز ماماندىق بولمايدى، بىلىكسىز مامان بولادى. ەرىنبەي ەڭبەك ەتكەن جان ءوز ءىسىنىڭ مايتالمانى اتانادى. ال، كاسىبىن تولىق مەڭگەرگەن ادام قاشاندا سۇرانىسقا يە بولادى. ءبىز ەڭبەك ادامىنىڭ مارتەبەسىن كوتەرۋگە باسا ءمان بەرەمىز. ەلىمىزدە ءتۇرلى سالانىڭ كاسىبي مەرەكەسى بار. كوبىنەسە مۇنداي مەيرامدار نازاردان تىس قالىپ جاتادى. مەنىڭ ويىمشا، «ەڭبەك كۇنىنە» وراي ەڭ ۇزدىك مامانداردى مەملەكەتتىك دەڭگەيدە ۇلىقتاعان ءجون. بۇل قادام قوعامدا ەڭبەك كۋلتىن ورنىقتىرۋعا جول اشادى. شىن مانىندە، قانداي جۇمىس ىستەپ جۇرگەنىڭ ەمەس، ونى قالاي ىستەپ جۇرگەنىڭ الدەقايدا ماڭىزدى. مينيستر نەمەسە اكىم بولسىن، قۇرىلىسشى، دارىگەر، ءمۇعالىم بولسىن، ەڭ باستىسى، اركىم ءوز مىندەتىن ادال اتقارۋى كەرەك. نانىن ادال ەڭبەكپەن تابۋى كەرەك»، - دەپ اتاپ وتكەن بولاتىن پرەزيدەنت.
قاسىم-جومارت توقايەۆ ناعىز ەڭبەك ادامى - ەڭ الدىمەن، وزىنە جۇكتەلگەن مىندەتتى ورىنداۋ ءۇشىن بارىن سالىپ ەڭبەك ەتەتىن بىلىكتى مامان. ناعىز ەڭبەك ادامى بۇل - ءىستىڭ ادامى، ياعني ءار ىسىنە، ءار قادامىنا جاۋاپكەرشىلىكپەن قارايتىن ادال ازامات ەكەنىن ايتقان بولاتىن.