بەتىم مەن قولىمدى تىرناپ الدى: جۇرگىزۋشىدەن تاياق جەگەن بلوگەر ياندەكس. تاكسيدى سوتقا بەرمەك
ميرانىڭ ايتۋىنشا، 31-شىلدەدە دوستارىمەن كەزدەسۋگە بارۋ ءۇشىن قوسىمشا ارقىلى تاكسي شاقىرتقان.
«بيزنەس» تاريفتى تاكسي شاقىردىم. دايىندالىپ جاتقانىمدا، كولىك كەلىپ، مەكەنجايدا كۇتىپ تۇرعانى تۋرالى حابارلاما ءتۇستى. سىرتقا شىقسام، جاڭبىر قاتتى جاۋىپ تۇر. ءبىراق، كولىك ءالى كەلمەگەن. تاكسيدىڭ قايدا ەكەنىن ءبىلۋ ءۇشىن قوڭىراۋ شالدىم. ال تاكسي جۇرگىزۋشىسى - ايەل ادام مەنىڭ قوڭىراۋىما اشۋلانىپ جاۋاپ بەردى، ول دورەكى ۇنمەن تۇرعىن ءۇي كەشەنىنىڭ اۋلاسىنا كىرەتىن جولدى تاپپاي جۇرگەنىن ايتتى. بىرنەشە مينۋتتان كەيىن كەلدى، مەن ءوز نارازىلىعىمدى ءبىلدىردىم. جۇرگىزۋشى كەشىگىپ كەلدى، ماعان كۇتۋ سيگنالى باياعىدا تۇسكەن. تيىسىنشە، وسى ۋاقىت بويى، ياعني مەن كولىككە وتىرعانشا اقشاسى ءوسىپ جاتتى»، - دەيدى ول.
بلوگەردىڭ بۇل ءسوزى جۇرگىزۋشىگە ۇناماي قالادى دا، ودان ءارى دورەكىلىك تانىتا باستايدى. ميرا بەرگەننىڭ ايتۋىنشا، ول الدىمەن سابىرعا شاقىرعان، ءبىراق جاۋاپ رەتىندە جۇرگىزۋشى ونى دىتتەگەن جەرىنە اپارۋدان باس تارتاتىنىن ايتىپ، كولىكتەن ءتۇسۋىن «وتىنگەن». وسىدان كەيىن بلوگەر ونى ۆيدەوعا تۇسىرە باستايدى.
«مەن الدىمەن باسقا تاكسي شاقىرامىن، سودان كەيىن عانا تۇسەمىن دەدىم، ويتكەنى سىرتتا جاڭبىر جاۋىپ تۇرعان. ءبىراق كامەرانى كورگەن ول تەلەفونىمدى تارتىپ الماق بولىپ، ماعان قاراي ۇمتىلدى. «تۇتىنۋشىلاردىڭ قۇقىقتارىن قورعاۋ تۋرالى» زاڭدا قىزمەت كورسەتەتىن نەمەسە تاۋار ساتاتىن قىزمەتكەرلەر قىزمەت كورسەتۋ كەزىندە بەينە جانە فوتو تۇسىرۋگە كەدەرگى كەلتىرۋگە قۇقىعى جوق دەلىنگەن»، - دەيدى جولاۋشى.
قىزدى كولىكتەن شىعارۋعا بىرنەشە رەت جاساعان ارەكەتى ءساتسىز بولعان سوڭ، جۇرگىزۋشى ونىڭ قولى مەن بەتىن تىرناپ، كۇشپەن شىعارىپ العان. سونىمەن، ميرا بەرگەن ەشقايدا بارمايدى. ءبىراق، قانداي دا ءبىر سەبەپتەرمەن تاكسي قىزمەتى ءۇشىن جولاۋشىنىڭ كارتاسىنان اقشا شەشىلگەن.
«سول كۇنى مەن پوليتسياعا ارىز جازدىم، سوت- مەديتسينالىق ساراپتاماعا جولداما سۇرادىم، سودان كەيىن ياندەكس قولداۋ قىزمەتىنە جازدىم. كومپانيا ماعان سەرىكتەسىنىڭ مەكەنجايىن بەردى - تاكسي كومپانياسى. سودان كەيىن مەنىڭ ادۆوكاتىم وسى مەكەنجايعا باردى، ءبىراق ول جەردە تاكسي كومپانياسى جوق بولىپ شىقتى. سودان كەيىن ءبىز قايتادان ياندەكسكە جۇگىندىك، ولار بىزگە مەكەنجايلارىن بەردى. مەنىڭ قورعاۋشىم ايتقان جەرگە باردى، سوندا ءبىر جىگىت وتىرعان. «بۇل ياندەكس كەڭسەسى ەمەس، ءبىراق ءسىز قۇجاتتاردى قالدىرىڭىز، مەن ونى تاپسىرامىن»، - دەدى.
دەمەك، ءىس جۇزىندە ياندەكس كەڭسەسى دە، سەرىكتەس كەڭسەسى دە، ياعني تاكسي پاركى دە جوق. بۇل - ءبىرىنشى بولىپ اشىلعان ۇلكەن ماسەلە... بۇل تاكسي قىزمەتى بويىنشا قيىندىقتار تۋىنداعاندا، ءسىز ەشتەڭە ىستەي المايسىز، ويتكەنى بۇل كومپانيا فيزيكالىق تۇردە جوق»، - دەيدى ول.
بلوگەر مەن ونىڭ قورعاۋشىسى تاكسي كومپانياسىنىڭ ۇستىنەن شاعىم تۇسىرەدى.
«ەكى اپتادان كەيىن تاكسي كومپانياسىنىڭ وكىلى كەلدى. ول قورعاۋشىما حابارلاسىپ، مەنىمەن كەزدەسىپ، ارىزىمدى قايتارىپ الۋعا كوندىرگىسى كەلدى. ونىڭ ايتۋىنشا، بۇل ولاردىڭ ياندەكسپەن ودان ءارى ىنتىماقتاستىعىنا كەرى اسەرىن تيگىزۋى مۇمكىن... سودان كەيىن ولار بىزگە قايتا حابارلاستى، ولار جۇرگىزۋشى ايەلدىڭ كەشىرىم سۇراۋعا دايىن ەكەنىن، ءبىراق كوپشىلىك الدىندا ەمەستىگىن ايتتى. مەن بۇل كەشىرىمىنەن باس تارتتىم، سەبەبى ول مەنى رەنجىتتى. مەن ونى سوتقا بەرەمىن دەدىم. جاقىندا سوت- مەديتسينالىق ساراپتامانىڭ قورىتىندىسىن الدىم. كەلەسى اپتادا اكىمشىلىك سوت بولادى. وسىدان كەيىن تاكسي كومپانياسىنا جانە ياندەكسكە مورالدىق، فيزيكالىق جانە ماتەريالدىق زيان كەلتىرگەنى ءۇشىن شاعىم تۇسىرگىم كەلەدى»، - دەيدى ميرا بەرگەن.
سونداي-اق، ول تاكسي جۇرگىزۋشىسىنىڭ قارسى ارىز جازعانىن ايتتى.
«وعان ونىڭ قۇقى بار. الايدا، مەندە ۆيدەو بار. ەندى ءبىر جاعدايدا مەن تالاپكەر، ال ول جاۋاپكەر، ال باسقا جاعدايدا مەن جاۋاپكەر، ال ول تالاپكەر رەتىندە ارەكەت ەتەمىن»، - دەپ اتاپ ءوتتى بلوگەر.
بۇل وقيعاعا قاتىستى «ياندەكس Go» باسپا ءسوز قىزمەتى تۇسىنىكتەمە بەردى.
«قۇقىق قورعاۋ ورگاندارى ءمان-جايدى انىقتايدى. ءبىزدىڭ دەرەكتەرىمىز بويىنشا، تاكسي قىزمەتىن قولدانۋشى ارىز جازعان. رەسمي سۇرانىس بويىنشا قاجەتتى اقپاراتتى بەرۋگە دايىنبىز. ءبىز جۇرگىزۋشى جۇمىس ىستەيتىن سەرىكتەس- تاسىمالداۋشىمەن بولعان جاعدايدى تۇسىنەمىز. ول تەكسەرۋدىڭ سوڭىنا دەيىن تاپسىرىستاردان ۋاقىتشا شەتتەتىلدى»، - دەپ مالىمدەيدى ياندەكس Go وكىلدەرى.
الماتى قالالىق ءى ءى د مالىمەتىنشە، بۇل دەرەكتى اۋماقتىق ءبولىم بويىنشا بوستاندىق اۋداندىق پوليتسيا باسقارماسى تەكسەرىپ جاتىر.
«ەكى تاراپ مالىمدەمە جاسادى. قازاقستان رەسپۋبليكاسى ا ق ب ت ك-نىڭ 73-1-بابى (دەنساۋلىققا قاساقانا جەڭىل زيان كەلتىرۋ) بويىنشا ماتەريال جيناقتالدى. سوت-مەديتسينالىق ساراپتاما تاعايىندالدى. جاقىن ارادا ءىس ماتەريالدارى شەشىم شىعارۋ ءۇشىن سوتقا جولدانادى»، - دەپ حابارلادى قالالىق د پ باسپا ءسوز قىزمەتىنەن.