جاقسىبەك قۇلەكەيەۆ جاڭا قىزمەتكە كەلدى

استانا. قازاقپارات - وقۋ-اعارتۋ مينيسترلىگى جانىنان ارداگەرلەر كەڭەسى قۇرىلدى.

بۇل تۋرالى ەلوردادا ءوتىپ جاتقان رەسپۋبليكالىق تامىز كەڭەسىندە اتالعان مينيسترلىكتىڭ باسشىسى عاني بەيسەمبايەۆ ايتتى، دەپ حابارلايدى قازاقپارات ءتىلشىسى.

«كۇنى كەشە وتاندىق ءبىلىم بەرۋ سالاسىنا ەڭبەگى سىڭگەن، بەدەلدى ازاماتتاردىڭ باسىن قوسىپ، مينيسترلىك جانىنان رەسپۋبليكالىق ارداگەرلەر كەڭەسىن قۇردىق. كەڭەس مۇشەلەرىنىڭ اشىق داۋىس بەرۋى ناتيجەسىندە ارىپتەسىم، بەلگىلى قوعام جانە مەملەكەت قايراتكەرى قۇلەكەيەۆ جاقسىبەك ابدىراحمەت ۇلى ءتوراعا بولىپ سايلاندى»، - دەدى ع. بەيسەمبايەۆ.

وسى ورايدا مينيستر مۇنداي كەڭەستەر مەكتەپتەن وبلىسقا دەيىن ەلدىڭ ءار وڭىرىندە قۇرىلۋى ءتيىس ەكەنىن ايتتى.

سونىمەن قاتار ول مۇعالىمدەردىڭ 63 پايىزى جاڭا جۇيە اياسىندا نەگىزگى جالاقىعا قوسىمشا اقى الىپ جاتقانىن جەتكىزدى.

«پەداگوگ مارتەبەسى تۋرالى» زاڭعا سايكەس بارلىق پەداگوگتەردىڭ ەڭبەك جاعدايلارى جاقساردى. «پەداگوگ» كاسىبي ستاندارتى پەداگوگتىڭ ۇزدىكسىز كاسىبي دامۋىنا ىقپال ەتەدى. ونىڭ نەگىزىندە پەداگوگتارعا، اتتەستاتتاۋعا جانە بىلىكتىلىكتى ارتتىرۋ جۇيەسىنە قويىلاتىن تالاپتار قايتا قارالادى. ەلىمىزدىڭ 620 پەداگوگى 2012 -جىلدان باستاپ «ۇزدىك پەداگوگ» رەسپۋبليكالىق بايقاۋىنىڭ جەڭىمپازى اتاندى جانە ونىڭ ناتيجەسى بويىنشا 1000 ايلىق ەسەپتىك كورسەتكىش مولشەرىندە سىياقى الدى. مەملەكەت باسشىسىنىڭ تاپسىرماسىنا سايكەس، 2023 -جىلدىڭ 1-قاڭتارىنان باستاپ مەكتەپ پەداگوگتارىنىڭ جالاقىسى تاعى 25 پايىزعا ءوستى. قازىر 217 مىڭ (c) مۇعالىم جاڭا جۇيەمەن اتتەستاتتاۋ قورىتىندىسى بويىنشا نەگىزگى جالاقىعا قوسىمشا اقى الادى»، - دەدى ۆەدومستۆو باسشىسى.