الماتىنى كۇيىك پەن ءتۇتىن ءيىسى باسىپ، ت ج د تۇرعىنداردى بەتپەردە كيۋگە شاقىردى

الماتى. قازاقپارات- الماتىدا تاڭەرتەڭنەن بەرى اۋادان جاعىمسىز ءيىس سەزىلىپ تۇر، دەپ حابارلايدى قازاقپارات ءتىلشىسى.

الماتى قالالىق توتەنشە جاعدايلار قىزمەتكەرلەرى كۇيىك پەن ءتۇتىن ءيىسى قايدان شىققانىن حابارلادى.

«قۇرمەتتى قالا تۇرعىندارى مەن قوناقتارى. ءسۇيىنباي داڭعىلى 50 مەكەنجايى بويىنشا بۇگىن تۇندە جويىلعان جوعارى جانعىش جۇكتەمەسى بار قويماداعى ءورتتىڭ سالدارىنان (اۋماعى s=295 м2) ءتۇتىن بايقالادى. ءورتتىڭ قالدىعى ءومىر مەن دەنساۋلىققا قاۋىپ توندىرمەيدى»، - دەپ اتاپ ءوتتى ۆەدومستۆودان.

ماماندار ءورت بولعان جەرگە جاقىن تۇراتىن تۇرعىندارعا دالاعا شىقپاۋعا كەڭەس بەردى.

«وسىعان بايلانىستى سابىرلى بولۋدى جانە بەتپەردە تاعۋدى سۇرايمىز. تىنىس الۋ ورگاندارى اۋرۋلارى بار ادامدارعا جانە قارت ادامدارعا ۇيدەن، اسىرەسە ءورت بولعان جەرگە جاقىن تۇراتىن تۇرعىندارعا شىقپاۋعا كەڭەس بەرەمىز»، - دەپ اتاپ ءوتتى دەپارتامەنت وكىلدەرى.

بۇعان دەيىن الماتىدا لامينات ساقتايتىن قويمادان ءورت شىققانى تۋرالى جازعان بولاتىنبىز.