مەكتەپتە ورىسشا ساباق بەرەتىن ۇستازدار تاپشى

استانا. قازاقپارات - تالاپكەرلەر پەداگوگيكالىق جوعارى وقۋ ورىندارىنىڭ ورىس بولىمشەسىنە بارۋعا نيەتتى ەمەس.

بۇل تۋرالى استانا حالىقارالىق ۋنيۆەرسيتەتى جانىنداعى پەداگوگيكا ينستيتۋتىنىڭ ديرەكتورى جاننا احماديەۆا ايتتى، دەپ حابارلايدى قازاقپارات ءتىلشىسى.

«استانادا جاڭا 42 مەكتەپتىڭ سالىنۋى ۇلكەيىپ كەلە جاتقان ەلوردا مەكتەپتەرى ءۇشىن پەداگوگ كادر دايىنداۋ پروبلەماسىن وزەكتەندىرە تۇسەدى. بۇگىندە استانا اۋماعىنداعى 18 ج و و- نىڭ ىشىندە ۇشەۋى - ل. گۋميلەۆ اتىنداعى ە ۇ ۋ، استانا حالىقارالىق ۋنيۆەرسيتەتى جانە ا. قۇسايىنوۆ اتىنداعى ەۋرازيا گۋمانيتارلىق ۋنيۆەرسيتەتى پەداگوگ كادرلاردى دايىندايدى»، - دەدى ول ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە.

ونىڭ ايتۋىنشا، پەداگوگ كادرلاردى دايىنداۋ اباي اتىنداعى قازاق ۇلتتىق پەداگوگيكالىق ۋنيۆەرسيتەتى ازىرلەگەن پەداگوگيكالىق ءبىلىمدى جاڭعىرتۋ تۇجىرىمداماسى اياسىندا جۇرگىزىلەدى.

اتالعان قۇجات بيىل بەكىتىلىپ وتىر.

«بۇكىل رەسپۋبليكا بويىنشا پەداگوگ كادرلاردى تەڭدەي ءبولۋىڭ ورىن الماي وتىرعانى قۇپيا ەمەس. ورىس تىلىندە ساباق بەرەتىن كادرلار جەتىسپەۋشىلىگى بايقالادى. مىسال دا كەلتىرەيىن. وتكەن جىلى «حيميا» ارناۋلى ءبىلىم باعدارلاماسىنا 38 تالاپكەر ءتۇستى. ونىڭ 36 سى قازاق بولىمىنە، ال ەكەۋى ورىس بولىمىنە وقۋعا قابىلداندى. ال بۇل ج و و-نى ءار ستۋدەنت ءۇشىن ءبىلىم بەرۋدىڭ جەكە-دارا تراەكتورياسىن قالىپتاستىرۋعا ماجبۇرلەيدى. مۇنىڭ ۇستىنە ج و و ءۇشىن اتالعان ستۋدەنتتەردى دايارلاۋ ءتيىمدى ەمەس. ناتيجەسىندە بۇل ورىس تىلىندە ساباق بەرەتىن كادر تاپشىلىعىنا، پەداگوگ كادرلاردىڭ قارتاۋىنا الىپ كەلەدى»، - دەدى جاننا احماديەۆا.

ينستيتۋت ديرەكتورىنىڭ سوزىنە قاراعاندا، ەلورداداعى پەداگوگتاردىڭ قاجەتتىلىگىن بولجاۋمەن جانە انىقتاۋمەن ەۋرازيا ۇلتتىق ۋنيۆەرسيتەتىنىڭ وقىتۋشىلارى اينالىسادى.

ولاردىڭ دەرەگىنشە، 2026 -جىلدىڭ وزىندە ەلوردادا شامامەن 7,5 مىڭ مۇعالىم تاپشى بولماق.