ۇلتتىق قاۋىپسىزدىك كوميتەتىنىڭ العاشقى باسشىسى بولات باەكەنوۆ ومىردەن ءوتتى

استانا. قازاقپارات - اسكەري قايراتكەر، ارناۋلى مەملەكەتتىك ورگاندار ارداگەرى، گەنەرال-لەيتەنانت بولات باەكەنوۆ ومىردەن وزدى.

قايعىلى حاباردى ق ر مەملەكەتتىك كۇزەت قىزمەتى جەتكىزدى، دەپ حابارلايدى قازاقپارات.

«بۇگىن ۇزاققا سوزىلعان ناۋقاستان كەيىن ەلىمىزدىڭ ارناۋلى مەملەكەتتىك ورگاندار ارداگەرى گەنەرال-لەيتەنانت بولات باەكەنوۆ قايتىس بولدى. بولات ءابدىراحمان ۇلى ءار جىلدارى ق ر ۇلتتىق قاۋىپسىزدىك كوميتەتىن، ىشكى ىستەر مينيسترلىگىن باسقاردى، قازاقستان رەسپۋبليكاسى قاۋىپسىزدىك كەڭەسىنىڭ حاتشىسى بولدى. 1997-2001-جىلدارى گەنەرال-لەيتەنانت قازاقستان پرەزيدەنتىنىڭ كۇزەت قىزمەتىنە جەتەكشىلىك ەتىپ، ۆەدومستۆونىڭ دامۋىنا زور ۇلەس قوستى. مەملەكەتتىك كۇزەت قىزمەتى گەنەرال-لەيتەنانت بولات باەكەنوۆتىڭ قايتىس بولۋىنا بايلانىستى مارقۇمنىڭ وتباسى مەن جاقىندارىنا قايعىسىنا ورتاقتاسىپ كوڭىل ايتادى» دەلىنگەن ۆەدومستۆو تاراتقان حابارلامادا.

بولات ءابدىراحمان ۇلى 1942-جىلى 21- قاراشادا باتىس قازاقستان وبلىسىنىڭ ورتالىعى ورالدا دۇنيەگە كەلگەن.

تاۋەلسىزدىك العاننان كەيىن قازاقستان مەملەكەتتىك قاۋىپسىزدىك كوميتەتىنىڭ (1992-جىلدىڭ شىلدەسىنەن باستاپ ق ر ۇ ق ك) ءتوراعاسى بولىپ تاعايىندالدى.

1993-1994-جىلدارى قاۋىپسىزدىك كەڭەسىنىڭ حاتشىسى بولدى.

1994-1995-جىلدارى - قازاقستان رەسپۋبليكاسىنىڭ ىشكى ىستەر ءمينيسترى.

1997 ناۋرىزدا - مەملەكەت باسشىسىنىڭ جارلىعىمەن ق ر پرەزيدەنتى كۇزەت قىزمەتى باستىعى بولىپ تاعايىندالدى.

2001-جىلى قۇرمەتتى دەمالىسقا شىققان.

وتستاۆكاعا شىققان سوڭ ۇستازدىق قىزمەتپەن اينالىسىپ، قازاق گۋمانيتارلىق زاڭ ۋنيۆەرسيتەتى الماتى زاڭ اكادەمياسىن باسقاردى.