كوشى-قون كوميتەتى قانشا مىڭ قازاقستاندىق شەت ەلدە ەڭبەك ەتىپ جۇرگەنىن ايتتى

استانا. قازاقپارات – ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى اسقاربەك ەرتايەۆ بۇگىندە قازاقستاندىقتار قاي ەلدەردە جۇمىس ىستەپ جۇرگەنىن ايتىپ بەردى، دەپ حابارلايدى قازاقپارات ءتىلشىسى.

ءبىزدىڭ مىندەتىمىز - شەتەلدە جۇمىس ىستەيتىن قازاقستاندىقتاردىڭ زاڭدى قۇقىقتارىنىڭ قورعالۋىن قامتاماسىز ەتۋ. سىرتقى ىستەر مينيسترلىگىنىڭ مالىمەتىنشە، ءبىرىنشى توقساننىڭ قورىتىندىسى بويىنشا 194 مىڭنان استام قازاقستاندىق شەت مەملەكەتتەردە ەڭبەك ەتۋدە. ناقتىلاپ ايتقاندا، رەسەي فەدەراتسياسىندا - 162 مىڭ، پولشادا - 13 مىڭ ادام، وڭتۇستىك كورەيادا - 6 مىڭ ادام، ۇلى بريتانيادا 5 مىن ادام جۇمىس ىستەپ ءجۇر، - ا. ەرتايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سپيكەردىڭ ايتۋىنشا، تۇركيا، بىرىككەن اراب امىرلىكتەرى جانە باسقا دا ەلدەرمەن ونداعى ق ر ازاماتتارىنىڭ ەڭبەك قۇقىقتارىن قورعايتىن جاڭا كەلىسىمدەر جاساۋعا باستاماشىلىق ەتۋ ءۇشىن قوسىمشا شارالار قابىلدانىپ جاتىر.

وڭتۇستىك كورەيادا ەل ازاماتتارىن زاڭدى جۇمىسقا ورنالاستىرۋدى قامتاماسىز ەتۋ ءۇشىن قازاقستاندى «ەڭبەككە رۇقسات بەرۋ جۇيەسىنە» ەنگىزۋ ماسەلەسى پىسىقتالۋدا. وسى جۇيە ارقىلى جۇمىسقا ورنالاستىرۋ migration.enbek.kz پورتالىندا تىركەلۋ ارقىلى جۇزەگە اسىرىلادى. شەتەلدە جۇمىس ىستەگىسى كەلگەن ادام الدىمەن ءتىل ۇيرەنۋگە، مىندەتتى مەديتسينالىق تەكسەرۋدەن وتۋگە، قاجەتتى قۇجاتتاردى راسىمدەۋگە كورسەتۋ ءۇشىن قوسىمشا ءتيىستى جۇمىستى ەڭبەك ۇتقىرلىعى ورتالىقتارى جۇرگىزەدى، - دەدى ا. ەرتايەۆ.