جەتىسۋ وبلىسىندا ناۋقاسقا بىردەن ءتورت وتا جاسالدى
جۇرەگى اۋىرىپ، اۋا جەتپەي دەمىگىپ، ءجيى شارشاپ قالاتىنىنا شاعىمدانعان 71 جاستاعى ناۋقاس بارلىق قاجەتتى مەديتسينالىق زەرتتەۋ-دياگنوستيكالاۋ شارالارىنان ءوتىپ، كارديولوگتىڭ كەڭەسىنە جۇگىنگەن.
سول مەزەتتە ناۋقاستىڭ اۋىر جاعدايىن كورگەن ورتالىقتىڭ كارديولوگتارى مەن كارديوحيرۋرگتارى تەز ارادا شۇعىل مەديتسينالىق كەڭەس وتكىزىپ، وتا جاساۋ ءۇشىن ناۋقاستى كارديوحيرۋرگيا بولىمىنە جاتقىزادى.
«جالپى ەكى جارىم ساعاتتا اشىق جۇرەككە جاسالعان وتا بارىسىندا جۇرەكتەگى ميترالدى كلاپان تولىقتاي الىنىپ تاستالىپ، ورنىنا بيوكلاپان ورناتىلدى. تريكۋسپيدالدى كلاپانعا پلاستيكا جانە راديوجيىلىك ابلياتسيا قوسا جاسالىپ، جۇرەكتىڭ قۇلاقشاسى تىگىلدى. بۇل بولاشاقتا ۇيىعان قاننىڭ تامىر ارقىلى ميعا ءوتۋى ياعني، ءينسۋلتتى بولدىرماۋ ءۇشىن جاسالاتىن ءادىس»، - دەدى ورتالىقتىڭ ديرەكتورى نۇرسان سۇراشەۆ.
ءساتتى جاسالعان وتادان كەيىن قازىر ناۋقاستىڭ جاعدايى تۇراقتى جانە الداعى ۋاقىتتا ورتالىقتان شىعۋى جوسپارلانعان.