ەلوردادا قوعامدىق كولىك جۇرگىزۋشىلەرىنىڭ جالاقىسى وسەدى

استانا. قازاقپارات - بيىل كۇزدە ەلوردادا اۆتوبۋس جۇرگىزۋشىلەرىنىڭ جالاقىسى 10 پايىزعا وسەدى. بۇل تۋرالى استانا قالاسى كولىك جانە جول-كولىك ينفراقۇرىلىمىن دامىتۋ باسقارماسى باسشىسى ورىنباسارىنىڭ مىندەتىن اتقارۋشى باۋىرجان تايبەرگەنوۆ ايتتى، دەپ حابارلايدى قازاقپارات ءتىلشىسى.

«بىزدە جۇرگىزۋشىلەر تاپشىلىعى ەرەكشە سەزىلىپ وتىر. وسى ماسەلەنى شەشۋ اياسىندا بىلتىر مەملەكەتتىك كاسىپورىنداردا ولاردىڭ جالاقىسىن 20 پايىزعا وسىردىك. ودان كەيىن جەكەمەنشىك پاركتەر دە جالاقىنى كوتەرە باستادى. بيىل 1- ماۋسىمدا ءبىز ونى 15 پايىزعا وسىردىك، سونداي-اق الداعى قازان-قاراشا ايلارىندا تاعى 10 پايىزعا كوتەرۋدى جوسپارلاپ وتىرمىز»، - دەدى ب. تايبەرگەنوۆ استانا قالاسى ءماسليحاتى تۇراقتى كوميسسياسىنىڭ وتىرىسىندا.

ونىڭ ايتۋىنشا، قالادا قوعامدىق كولىك جۇرگىزۋشىلەرىنىڭ تاپشىلىعىن جويۋ ءۇشىن جالاقى وسىلاي كوتەرىلەتىن بولادى.

بۇدان بۇرىن حابارلانعانداي، استانا تۇرعىندارىنىڭ 48 پايىزعا جۋىعى قوعامدىق كولىكپەن جۇرەدى.

كەيىنگى جىلدارى ەلوردادا قوعامدىق كولىكتى سۋبسيديالاۋ سوماسى ءوستى.