ەلوردا تۇرعىندارىنىڭ قانشا پايىزى اۆتوبۋسپەن جۇرەدى
«قالادا قوعامدىق كولىككە سۇرانىس وتە جوعارى جانە مۇندا تۇرعىنداردىڭ 48 پايىزعا جۋىعى قوعامدىق كولىكتى پايدالانىپ كەلەدى. وسى قىزمەتتى تۇراقتى قامتاماسىز ەتۋ ءۇشىن بىزدە 99 باعدار قامتىلىپ، 1500 دەن استام جۇرگىزۋشى جانە 1100 گە جۋىق اۆتوبۋس جۇمىلدىرىلعان»، - دەدى باۋىرجان تايبەرگەنوۆ استانا قالاسى ءماسليحاتىنىڭ تۇراقتى كوميسسياسىنىڭ وتىرىسىندا.
سونىمەن قاتار ول جولاۋشىلاردىڭ زاماناۋي تالاپتارىن ەسكەرە وتىرىپ، بۇل سالا بەلسەندى دامىپ كەلە جاتقانىن ايتتى.
«اتاپ ايتقاندا، جىلجىمالى قۇرام تاپشىلىعىنا قاراماستان، اۆتوبۋس باعدارلارى جەلىسىن جاڭعىرتۋ شارالارى تۇراقتى تۇردە اتقارىلىپ جاتىر. بۇل ءىس-شارالاردى جۇزەگە اسىرۋ مۇمكىندىگى تاسىمالداۋشىلاردىڭ شىعىنىن بيۋجەت قاراجاتى ەسەبىنەن سۋبسيديالاۋعا تىكەلەي بايلانىستى»، - دەدى ب. تايبەرگەنوۆ.
جاريالانعان مالىمەتتەرگە سايكەس، 2022-2023-جىلدار ارالىعىندا بەس جاڭا باعىت ىسكە قوسىلدى – 43، 327، 328، 329، 121. مۇنىمەن قوسا، 69 باعداردىڭ سحەماسى وڭتايلاندىرىلىپ، 62 ۋچاسكەدە كولىك ماسەلەلەرى شەشىلدى. سونداي-اق 38 باعىت بويىنشا قوزعالىس كەستەسى قايتا قارالىپ، قوسىمشا 62 اۆتوبۋس قوسىلدى.