الماتىلىقتاردى بەنزين باعاسى تاڭعالدىردى
مۇنداي باعا قالا بويىنشا 20 عا جۋىق فيليالى بار «گازپرومنەفت» جانارماي قۇيۋ ستانتسياسىندا بايقالعان. تۇرعىندار 22- تامىزدا تاڭەرتەڭ ادەتتە 255 تەڭگە تۇراتىن اي-95 بەنزينى باعاسىنىڭ 385 تەڭگەگە دەيىن كوتەرىلگەنىن بايقاعان. ج م ق س قىزمەتكەرلەرى باعانىڭ كوتەرىلۋىن بۇل ماركانىڭ جەرگىلىكتى وندىرىستە تاۋسىلىپ، رەسەيدىڭ ومبى قالاسىنان اكەلىنگەندىگىمەن ءتۇسىندىردى.
بۇل جاعداي كەشكە دەيىن سوزىلىپ، جۇرگىزۋشىلەر كەرەكتى بەنزيندى ادەتتەگى 255 تەڭگەگە تابا الماعان. تولە ءبي مەن تىلەنديەۆ كوشەلەرىنىڭ قيىلىسىندا، Domillion ساۋدا ۇيىنە قاراما-قارسى ساين كوشەسى مەن ش ا ا ج بويىندا ورنالاسقان فيليالداردا وسى باعا بولعان.
Tengrinews.kz رەداكسياسى پىكىر الۋ ءۇشىن قالالىق اكىمدىككە جۇگىندى. «گازپرومنەفت» ج ق س باسپا ءسوز قىزمەتى اي-95 ماركاسىنىڭ جەرگىلىكتى وندىرىستە جوق ەكەنىن راستادى. الماتىداعى 19 فيليالدىڭ 17 سىندە باعا وزگەرگەن.
«G- Drive-95 ماركالى بەنزيندى ومبى م ءو ز- دەن (رەسەي) ساتىپ العانىنا بايلانىستى باعا قالاداعى 19 جانارماي قۇيۋ ستانتسياسىنىڭ 17 سىنە 385 تەڭگەگە دەيىن ءوستى. بۇعان دەيىن G- Drive-95 باعاسى 252 تەڭگە ەدى، ويتكەنى ول جەرگىلىكتى م ءو ز- دەن الىنعان»، - دەپ ءتۇسىندىردى شەنەۋنىكتەر.
اي- 95 بەنزينى 255 تەڭگەگە اقساي 1ا 2 شاعىناۋدانى؛ تىلەنديەۆ كوشەسى، 84؛ ءاشىموۆ كوشەسى، 179 مەكەنجايلارىندا عانا ساتىلادى.
«الماتى قالاسىنىڭ كاسىپكەرلىك جانە ينۆەستيتسيالار باسقارماسى ق ت ج جانە ج ق س جەلىلەرىمەن بىرلەسىپ اي-95 بەنزينىنىڭ جانە باسقا دا وتىن تۇرلەرىنىڭ بولۋىنا تۇراقتى نەگىزدە مونيتورينگ جۇرگىزىپ، ۆاگونداردىڭ باسقا وڭىرلەردە توقتاپ قالۋى ماسەلەسىن شەشەدى.
22- تامىزداعى جاعداي بويىنشا Sinooil, Helios, Qazaq Oil، «گازپروم»، Petrol Asia سەكىلدى ءىرى جەلىلىك ج ق س- دە، سونداي-اق قالانىڭ مۇناي بازالارىندا شامامەن 3,3 مىڭ توننا اي-95 ماركالى بەنزينى بار، تاعى 2-3 كۇن ىشىندە 7,6 مىڭ توننا كەلەدى»، - دەپ قوستى اكىمدىك باسپا ءسوز قىزمەتى.
سونداي-اق، ەنەرگەتيكا مينيسترلىگى مەن الماتى اكىمدىگى اي-95 ماركالى بەنزيننىڭ باعاسىن باقىلاۋعا قاۋقارسىز، سەبەبى ول الەۋمەتتىك وتىن ەمەس. الەۋمەتتىك وتىنعا ديزەل جانە اي-92 كىرەدى.
«بۇل رەتتە اي-95 بەنزينى ەركىن ساتىلىپ، ساتۋ بويىنشا ەشقانداي شەكتەۋلەر جوق. اتىراۋ جانە پاۆلودار م ءو ز- مەن وتىن جەتكىزۋگە كەلىسىمشارت جاسالىپ، كولەمى كەزەك تارتىبىمەن بەرىلەدى»، - دەپ قورىتىندىلادى قالالىق اكىمدىك.