قازاقستان ت م د- داعى ەڭ قىمبات ەل اتاندى
بيىل ءبىرىنشى توقسان قورىتىندىسى بويىنشا ءومىر ءسۇرۋ قۇنى رەيتينگىسىندە قازاقستان 91-ورىنعا تۇراقتادى. ەلىمىزدىڭ يندەكسى - 25,4. يندەكس تۇتىنۋ تاۋارلارى مەن جالعا بەرىلەتىن تۇرعىن ءۇي قۇنىن نيۋ-يورك قالاسىمەن سالىستىرا وتىرىپ باعالانادى.
ت م د ەلدەرىنىڭ ىشىندە قازاقستان ەڭ قىمبات مەملەكەتتىك ءبىرى اتاندى. تىزىمدە ارمەنيا - 57 ورىندا، بەلارۋس – 98، مولدوۆا 101، رەسەي – 110، قىرعىزستان – 111، ازەربايجان – 119، وزبەكستان 125-ورىندا تۇر.
الدىڭعى ورىنداردى بەرمۋد جانە كايمان ارالدارى، سينگاپۋر، رەيتينگتىڭ سوڭىندا پاكىستان تۇر.
بيىل شىلدەنىڭ قورىتىندىسى بويىنشا قازاقستاندا تاۋارلار مەن قىزمەتتەردىڭ باعاسى - 0,6 پايىز، جىل باسىنان بەرى - 5,8 پايىز جانە ءبىر جىلدا 14 پايىزعا ءوستى. بيىل قاڭتار- شىلدەدە باعانىڭ ءوسۋى (2022-جىلعى قاڭتار-شىلدەمەن سالىستىرعاندا) 17,2 پايىز بولدى.
وڭىرلەر بويىنشا اي سايىنعى ديناميكادا باعانىڭ ەڭ كوپ ءوسىمى ۇلىتاۋ وبلىسىندا (1 پايىز)، قاراعاندى جانە قىزىلوردا وبلىستارىندا، استانا جانە الماتى قالالارىندا (ءارقايسىسىندا 0,8 پايىز) تىركەلدى.
جىلدىق ديناميكا بويىنشا تاۋارلار مەن قىزمەتتەر باعاسىنىڭ ەڭ ۇلكەن ءوسىمى تاعى دا ۇلىتاۋ وبلىسى جانە سولتۇستىك قازاقستان وبلىستارى جانە استانا قالاسىندا ء(ارقايسىسىندا 15,4 پايىز)، ال ەڭ ازى اتىراۋ وبلىسىندا (11,8 پايىز) بايقالدى.
بيىل قاڭتار-شىلدە ايلارىنىڭ قورىتىندىسى بويىنشا باعانىڭ ەڭ كوپ ءوسىمى - ماڭعىستاۋ وبلىسىندا (19,5 پايىز)، ەڭ ازى - الماتى وبلىسىندا (15,7 پايىز).
اي سايىنعى ديناميكا بويىنشا، ازىق-تۇلىك تاۋارلارى - 0,1 پايىز، ازىق-تۇلىك ەمەس تاۋارلار - 0,7 پايىز، اقىلى قىزمەتتەر - 1 پايىز قىمباتتادى.
جىلدىق ديناميكا بويىنشا ازىق-تۇلىك تاۋارلارى - 13,5 پايىز، ازىق-تۇلىك ەمەس تاۋارلار - 15 پايىز، اقىلى قىزمەتتەر - 13,6 پايىز قىمباتتادى.
قاڭتار-شىلدەنىڭ قورىتىندىسى بويىنشا ازىق-تۇلىك تاۋارلارىنىڭ باعاسى - 19 پايىز، ازىق- تۇلىك ەمەس تاۋارلاردىڭ باعاسى — 17,8 پايىز، اقىلى قىزمەتتەردىڭ باعاسى 13,9 پايىز قىمباتتادى.
ازىق-تۇلىك جانە الكوگولسىز سۋسىندار ءبىر جىلدا 13,3 پايىز قىمباتتادى (ءبىر ايدا ءوسىم بايقالمادى).
كيىم جانە اياق كيىم ءبىر ايدا - 0,7 پايىز، ءبىر جىلدا - 15,2 پايىز، تۇرعىن ءۇي قىزمەتتەرى، سۋ، ەلەكتر ەنەرگياسى، گاز جانە باسقا دا وتىن تۇرلەرى ءبىر ايدا - 1 پايىز، ءبىر جىلدا - 14,9 پايىز؛
دەنساۋلىق ساقتاۋ قىزمەتتەرى ءبىر ايدا - 1 پايىز، ءبىر جىلدا - 17,5 پايىز؛ دەمالىس جانە مادەنيەت قىزمەتتەرى ءبىر ايدا - 3,6 پايىز، ءبىر جىلدا - 16 پايىز؛
ءبىلىم بەرۋ قىزمەتتەرى ءبىر ايدا - 0,2 پايىز، ءبىر جىلدا - 13 پايىز؛
مەيرامحانالار مەن قوناقۇيلەر ءبىر ايدا - 0,5 پايىز، ءبىر جىلدا - 15,3 پايىز قىمباتتادى.