بيىل زەينەتاقى جيناقتارىن قانداي ماقساتتارعا پايدالانۋعا بولادى
وسى ورايدا، قازاقپارات ءتىلشىسى زەينەتاقى قورىنداعى قاراجاتتى قالاي جانە قانداي قىزمەتتەر ءۇشىن الۋعا بولاتىنىن انىقتاپ كوردى
زەينەتاقى جيناقتارىنىڭ ءبىر بولىگىن پايدالانۋعا ءوتىنىش بەرمەس بۇرىن ازامات ءوزىنىڭ جيناعىن تەكسەرىپ، ءۇي ساتىپ الۋ جانە ەمدەلۋ ءۇشىن الۋىنا رۇقسات ەتىلەتىن سوماسىنىڭ بار ەكەنىنە كوز جەتكىزۋى ءتيىس.
ونى ءبىرىڭعاي جيناقتاۋشى زەينەتاقى قورىنىڭ (ب ج ز ق) ينتەرنەت-رەسۋرسىنان، موبيلدى قوسىمشاسىنداعى جەكە كابينەتىنەن جانە ەلەكتروندىق ۇكىمەت پورتالىندا https://egov.kz/cms/ru تەكسەرۋگە بولادى.
ايتا كەتەيىك، باسپانا الۋ ءۇشىن زەينەتاقى جيناقتارىنىڭ ءبىر بولىگىن الىپ قويۋ ءتارتىبىن يندۋستريا جانە ينفراقۇرىلىمدىق دامۋ مينيسترلىگى ازىرلەيدى جانە بەكىتەدى. ال، ەمدەلۋگە اقى تولەۋگە الۋ ءتارتىبىن دەنساۋلىق ساقتاۋ مينيسترلىگى دايىندايدى.
زەينەتاقى جيناقتارىن قالاي پايدالانۋعا بولادى؟
1. ءار سالىمشى ءوز زەينەتاقى جيناقتارىن دەربەس پايدالانا الادى. ەگەر قاراجات جەتكىلىكسىز بولعان جاعدايدا جاقىن تۋىستارى مەن جۇبايىنىڭ زەينەتاقى جيناقتارىنان قاراجات الۋىنا بولادى. جاقىن تۋىستار - ول اتا-انا، بالا، اسىراپ الۋشى، اسىراپ الىنعاندار، اتا-اناسى ءبىر نەمەسە اتا-اناسى بولەك اعا-ىنىلەر مەن اپا-سىڭلىلەرى، اتاسى، اجەسى.
2. سونىمەن قاتار، جيناقتاردى جاقىن تۋىسىڭىزعا نەمەسە جۇبايىڭىزعا ءىشىنارا نەمەسە تولىعىمەن بەرۋگە بولادى. ياعني، بىرنەشە ادامعا قارجى اۋدارۋعا مۇمكىندىك ۇسىنىلادى. ەگەر ازامات زەينەتاقى قاراجاتىنىڭ نەگىزگى بولىگىن پايدالاناتىن بولسا، وندا ولاردىڭ قالدىعىن قايتارا الادى.
بۇعان قوسا، 1- شىلدەدەن باستاپ الەۋمەتتىك كودەكس اياسىندا ءبىرىڭعاي جيناقتاۋشى زەينەتاقى قورىندا زەينەتاقى جيناقتارى بار ەڭبەك ەتكەن جىلدارى بويىنشا زەينەتكەرلەرگە تۇرعىن ءۇي جاعدايلارىن جاقسارتۋعا نەمەسە ەمدەلۋگە اقى تولەۋگە وزدەرىنىڭ زەينەتاقى جيناقتارىنىڭ بارلىق سوماسىن پايدالانۋعا قۇقىق بەرىلەدى. ەڭبەك سىڭىرگەن جىلدارى بويىنشا زەينەتكەرلەر www.enpf-otbasy.kz ينتەرنەت-پلاتفورماسى ارقىلى ب ج ز ق- دا جيناقتالعان قاراجاتتارىن تۇرعىن ءۇي جاعدايلارىن جاقسارتۋعا پايدالانۋ ءۇشىن ءبىرجولعى زەينەتاقى تولەمدەرىن الۋعا «وتباسى بانكى» تۇرعىن ءۇي قۇرىلىس جيناق بانكى» ا ق نەمەسە ەكىنشى دەڭگەيدەگى بانكتەرگە جۇگىنە الادى.
بۇل مۇمكىندىكتى پايدالانۋ ءۇشىن ءبىرىنشى كەزەكتە ب ج ز ق سايتىندا پايدالانۋعا بولاتىن زەينەتاقى جيناقتارىنىڭ سوماسىن ءبىلۋ قاجەت. https://enpf.kz/ru سودان كەيىن، قاجەتتى سومانى پايدالانۋ ماقساتىن تاڭداپ، پلاتفورما ارقىلى ءوتىنىش بەرىڭىز. https://enpf-otbasy.kz سونداي-اق، Otbasy Bank موبيلدى قوسىمشاسى نەمەسە بەينەبانك ارقىلى وتباسى بانكتە ارنايى شوت اشۋ قاجەت (ەگەر ءسىز بانكتىڭ كليەنتى بولساڭىز دا). كەيىن، رۇقسات الىپ، قاجەتتى سومانى تاڭدالعان ماقساتقا باعىتتايسىز.
ازاماتتىق-قۇقىقتىق مامىلەلەر بويىنشا جەكەمەنشىككە تۇرعىن ءۇي ساتىپ الۋ (تۇپكىلىكتى ەسەپ ايىرىسۋ)
ءسىز پاتەر، جەكە تۇرعىن ءۇي، جاتاقحانا بولمەسىن ساتىپ الۋىڭىزعا بولادى. تۇرعىن ءۇيدى باستاپقى نەمەسە ەكىنشى نارىقتان، سونداي-اق سالىنىپ جاتقان ۇيدەن ق ر زاڭناماسىنا سايكەس كەپىلدىگى بار تۇرعىن ءۇي قۇرىلىسىنا ۇلەستىك قاتىسۋ، ايىرباستاۋ ارقىلى ساتىپ الۋعا بولادى. تۇرعىن ءۇيدى ساتىپ الۋ ءۇشىن ءبىرجولعى زەينەتاقى تولەمدەرىنىڭ سوماسى جەتكىلىكسىز بولعان جاعدايدا باسقا كوزدەردەن قاراجات (ءبىرجولعى زەينەتاقى تولەمدەرى + مەنشىكتى نەمەسە وزگە دە قاراجات) تارتۋعا جول بەرىلەدى. بۇل رەتتە ءبىرجولعى زەينەتاقى تولەمدەرىنىڭ سوماسى بارلىق تولەمدەر جاسالعاننان كەيىن عانا تولەنەتىن بولادى.
يپوتەكالىق تۇرعىن ءۇي قارىزى بويىنشا بەرەشەكتى ءىشىنارا وتەۋ (ونىڭ ىشىندە يسلام بانكىنىڭ قارجىلاندىرۋى شەڭبەرىندە)
ءسىز كەز كەلگەن بانكتەن نەمەسە يپوتەكالىق كومپانيادان الىنعان تۇرعىن ءۇي ساتىپ الۋعا ارنالعان نەمەسە ءبىر بانكتىك قارىز شارتى اياسىندا جوندەۋ جۇرگىزىلۋمەن تۇرعىن ءۇيدى ساتىپ الۋعا ارنالعان قارىز بويىنشا بەرەشەكتى ءىشىنارا وتەي الاسىز. سونداي-اق، جەكە قوسالقى شارۋاشىلىق نەمەسە جەكە تۇرعىن ءۇي قۇرىلىسى ماقساتىنا ارناپ جەر تەلىمىن ساتىپ الۋدى قوسا العاندا، تۇرعىن ءۇي قۇرىلىس جيناق جۇيەسى ارقىلى الىنعان، جەكە تۇرعىن ءۇي قۇرىلىسىنا بەرىلگەن قارىزدى تولەۋگە بولادى.
يپوتەكالىق تۇرعىن ءۇي قارىزى بويىنشا بەرەشەكتى تولىق وتەۋ (ونىڭ ىشىندە يسلام بانكىنىڭ قارجىلاندىرۋى شەڭبەرىندە)
ءسىز كەز كەلگەن بانكتەن نەمەسە يپوتەكالىق كومپانيادان الىنعان تۇرعىن ءۇي ساتىپ الۋعا ارنالعان نەمەسە ءبىر بانكتىك قارىز شارتى اياسىندا جوندەۋ جۇرگىزۋگە بەرىلگەن تۇرعىن ءۇي ساتىپ الۋعا ارنالعان قارىزدى تولىق وتەي الاسىز. مۇنىمەن قاتار، تۇرعىن ءۇي قۇرىلىس جيناق جۇيەسى ارقىلى الىنعان، جەكە تۇرعىن ءۇي قۇرىلىسىنا بەرىلگەن قارىزدى جابۋعا بولادى.
تۇرعىن ءۇي قۇرىلىس جيناقتارى جۇيەسى بويىنشا يپوتەكالىق قارىز بويىنشا بەرەشەكتى ءىشىنارا وتەۋ
ءسىز كەز كەلگەن بانكتەن نەمەسە يپوتەكالىق كومپانيادان الىنعان تۇرعىن ءۇي ساتىپ الۋعا ارنالعان نەمەسە ءبىر بانكتىك قارىز شارتى اياسىندا جوندەۋ جۇرگىزىلۋمەن تۇرعىن ءۇيدى ساتىپ الۋعا ارنالعان قارىز بويىنشا بەرەشەكتى ءىشىنارا وتەي الاسىز. سونىمەن قوسا، جەكە قوسالقى شارۋاشىلىق نەمەسە جەكە تۇرعىن ءۇي قۇرىلىسى ماقساتىنا ارناپ جەر تەلىمىن ساتىپ الۋدى قوسا العاندا، تۇرعىن ءۇي قۇرىلىس جيناق جۇيەسى ارقىلى الىنعان، جەكە تۇرعىن ءۇي قۇرىلىسىنا بەرىلگەن قارىزدى جابۋعا مۇمكىندىك بەرىلەدى.
تۇرعىن ءۇي قۇرىلىس جيناقتارى جۇيەسى بويىنشا يپوتەكالىق قارىز بويىنشا بەرەشەكتى تولىق وتەۋ
ءسىز كەز كەلگەن بانكتەن نەمەسە يپوتەكالىق كومپانيادان الىنعان تۇرعىن ءۇي ساتىپ الۋعا ارنالعان نەمەسە ءبىر بانكتىك قارىز شارتى اياسىندا جوندەۋ جۇرگىزىلۋمەن تۇرعىن ءۇيدى ساتىپ الۋعا ارنالعان قارىز بويىنشا بەرەشەكتى ءىشىنارا نەمەسە تولىق وتەي الاسىز. سونداي-اق، ءسىز جەكە قوسالقى شارۋاشىلىق نەمەسە جەكە تۇرعىن ءۇي قۇرىلىسى ماقساتىنا ارناپ جەر تەلىمىن ساتىپ الۋدى قوسا العاندا، تۇرعىن ءۇي قۇرىلىس جيناق جۇيەسى ارقىلى الىنعان، جەكە تۇرعىن ءۇي قۇرىلىسىنا بەرىلگەن قارىزدى تولەۋىڭىزگە بولادى.
ساتىپ الۋ، جەكەشەلەندىرۋ، ءبولىپ تولەۋ ارقىلى ساتىپ الۋ-ساتۋ قۇقىعىمەن تۇرعىن ءۇيدى ۇزاق مەرزىمدى جالداۋ شارتتارى بويىنشا ءىشىنارا تولەۋ (ساتىپ الۋ قۇقىعىمەن تۇرعىن ءۇيدى ۇزاق مەرزىمدى جالداۋ شارتتارى بويىنشا)
ەگەر ءسىز تۇرعىن ءۇي قۇرىلىسى باعدارلامالارى مەن داعدارىسقا قارسى باعدارلامالار اياسىندا ساتىپ الۋ قۇقىعىمەن جالداۋ شارتىن جاساسقان بولساڭىز، وندا وسى ماقسات شەڭبەرىندە ءبىرجولعى زەينەتاقى تولەمدەرى ەسەبىنەن تۇرعىن ءۇيدى ۇزاق مەرزىمدى جالداۋ شارتتارى بويىنشا بەرەشەكتى ءىشىنارا تولەي الاسىز.
ساتىپ الۋ، جەكەشەلەندىرۋ، ءبولىپ تولەۋ ارقىلى ساتىپ الۋ-ساتۋ قۇقىعىمەن تۇرعىن ءۇيدى ۇزاق مەرزىمدى جالداۋ شارتتارى بويىنشا تولىق اقى تولەۋ (ساتىپ الۋ قۇقىعىمەن تۇرعىن ءۇيدى ۇزاق مەرزىمدى جالداۋ شارتتارى بويىنشا)
ەگەر ءسىز بۇرىن تۇرعىن ءۇي قۇرىلىسى باعدارلامالارى مەن داعدارىسقا قارسى باعدارلامالار شەڭبەرىندە ساتىپ الۋ قۇقىعىمەن جالداۋ شارتىن جاساسقان بولساڭىز، وندا ءسىز ءبىرجولعى زەينەتاقى تولەمدەرى ەسەبىنەن ۇزاق مەرزىمدى جالداۋ شارتتارى بويىنشا بەرەشەكتى تولىق تولەي الاسىز.
جەكە تۇرعىن ءۇي قۇرىلىسى (مەنشىگىندە جەر ۋچاسكەسى بولعان جاعدايدا)
ءبىرجولعى زەينەتاقى تولەمدەرى ەسەبىنەن نەمەسە ءوز قاراجاتىڭىزدان جانە ءبىرجولعى زەينەتاقى تولەمدەرىنەن تۇراتىن جالپى سوما ەسەبىنەن جەكە تۇرعىن ءۇي (مەنشىگىندە جەكە تۇرعىن ءۇي قۇرىلىسى نەمەسە جەكە قوسالقى شارۋاشىلىق ءۇشىن پايدالانۋ ماقساتىنداعى جەر ۋچاسكەسى بولعان جاعدايدا) سالۋعا بولادى.
وتباسى بانكىندەگى تۇرعىن ءۇي قۇرىلىس جيناق جۇيەسى بويىنشا يپوتەكالىق تۇرعىن ءۇي زاەمىن الۋ
ءسىز پاتەر، جەكە تۇرعىن ءۇي، جاتاقحانادان بولمە ساتىپ الا الاسىز. تۇرعىن ءۇيدى باستاپقى نەمەسە ەكىنشى نارىقتان ساتىپ الۋعا بولادى. سونداي-اق، ءبىر بانكتىك قارىز شارتىنىڭ اياسىندا جوندەۋ جۇرگىزۋ ارقىلى تۇرعىن ءۇي ساتىپ الۋعا، جەكە تۇرعىن ءۇي قۇرىلىسىن جۇرگىزۋگە (جەكە قوسالقى شارۋاشىلىق نەمەسە جەكە تۇرعىن ءۇي قۇرىلىسى نىسانالى ماقساتىنداعى جەر ۋچاسكەسىن ساتىپ الۋدى قوسا العاندا) بولادى.
تۇرعىن ءۇي ساتىپ الۋعا يپوتەكالىق تۇرعىن ءۇي قارىزىن الۋ ءۇشىن باستاپقى جارنانى ەنگىزۋ (ونىڭ ىشىندە يسلام بانكىنىڭ قارجىلاندىرۋى شەڭبەرىندە)
بۇل ارقىلى دا ءسىز پاتەر، جەكە تۇرعىن ءۇي، جاتاقحانادان بولمە ساتىپ الا الاسىز. تۇرعىن ءۇيدى باستاپقى نەمەسە قايتالاما نارىقتا ساتىپ الۋعا بولادى. سونداي-اق ءبىر بانكتىك قارىز شارتى اياسىندا تۇرعىن ءۇيدى جوندەۋ جۇمىستارىمەن قوسا الۋعا بولادى.
تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا پاتەردى ساتىپ الۋ (تۇپكىلىكتى ەسەپ ايىرىسۋ)
ءسىز ق ر زاڭناماسىنا سايكەس كەپىلدىگى (ق ج ك كەپىلدىگى) بار تۇرعىن ءۇي قۇرىلىسىنا ۇلەستىك قاتىسۋ ارقىلى سالىنىپ جاتقان ۇيدەن تۇرعىن ءۇي ساتىپ الۋىڭىزعا بولادى. تۇرعىن ءۇي ساتىپ الۋ ءۇشىن ءبىرجولعى زەينەتاقى تولەمدەرىنىڭ سوماسى جەتكىلىكسىز بولعان جاعدايدا باسقا كوزدەردەن قاراجات (ءبىرجولعى زەينەتاقى تولەمدەرى + ءوز قاراجاتى) تارتۋعا جول بەرىلەدى، بۇل رەتتە ءبىرجولعى زەينەتاقى تولەمدەرىنىڭ سوماسى بارلىق تولەمدەر جاسالعاننان كەيىن عانا تولەنەتىن بولادى.
جەكە تۇرعىن ءۇي قۇرىلىسى نەمەسە جەكە قوسالقى شارۋاشىلىق ءۇشىن پايدالانۋ ماقساتىنداعى جەر ۋچاسكەسىن ازاماتتىق-قۇقىقتىق مامىلەلەر بويىنشا مەنشىككە ساتىپ الۋ (تۇپكىلىكتى ەسەپ ايىرىسۋ)
ءسىز جەر ۋچاسكەسىن (جەكە قوسالقى شارۋاشىلىق نەمەسە جەكە تۇرعىن ءۇي قۇرىلىسى ءۇشىن پايدالانۋ ماقساتىنداعى) ءبىرجولعى زەينەتاقى تولەمدەرى ەسەبىنەن نەمەسە كەيىننەن جەكە تۇرعىن ءۇي سالۋ ءۇشىن ءوز قاراجاتىڭىزدان جانە ءبىرجولعى زەينەتاقى تولەمدەرىنەن تۇراتىن جالپى سوما ەسەبىنەن ساتىپ الۋىڭىزعا بولادى.
تۇرعىن ءۇي قۇرىلىس جيناقتارى جۇيەسى بويىنشا يپوتەكالىق تۇرعىن ءۇي قارىزىن قايتا قارجىلاندىرۋ
بۇل جۇيە ارقىلى «وتباسى بانك» اق جانە ەكىنشى دەڭگەيدەگى بانكىندە تۇرعىن ءۇي ساتىپ الۋعا (ونىڭ ىشىندە جوندەۋ جۇرگىزە وتىرىپ) ، جەكە تۇرعىن ءۇي سالۋعا (جەر تەلىمىن ساتىپ الۋدى قوسا العاندا) باسقا بانكتەر بەرگەن يپوتەكالىق تۇرعىن ءۇي قارىزدارىن قايتا قارجىلاندىرۋعا بولادى. ماقساتتى راستاۋ ءۇشىن قاجەتتى قۇجاتتار ءتىزىمى: بانكتىڭ، يپوتەكالىق ۇيىمنىڭ ۋاكىلەتتى تۇلعاسىنىڭ قولى قويىلعان انىقتاما. انىقتامانىڭ جارامدىلىق مەرزىمى بەرىلگەننەن باستاپ 15 كۇن.
تۇرعىن ءۇي قۇرىلىس جيناقتارى جۇيەسى بويىنشا جەكە تۇرعىن ءۇي سالۋ ءۇشىن يپوتەكالىق تۇرعىن ءۇي قارىزىن الۋ (جەر ۋچاسكەسىن ساتىپ الۋدى قوسا العاندا)
ءسىز ءبىرجولعى زەينەتاقى تولەمدەرى ەسەبىنەن نەمەسە ءوز قاراجاتىڭىزدان جانە ءبىرجولعى زەينەتاقى تولەمدەرىنەن تۇراتىن جالپى سوما ەسەبىنەن جەكە تۇرعىن ءۇي سالۋىڭىزعا (ونىڭ ىشىندە جەكە قوسالقى شارۋاشىلىق نەمەسە جەكە تۇرعىن ءۇي قۇرىلىسى ءۇشىن پايدالانۋ ماقساتىنداعى جەر ۋچاسكەسىن ساتىپ الۋىڭىزعا) بولادى.
زەينەتاقى جيناقتارىنىڭ ءبىر بولىگىن ەمدەۋ ءۇشىن قالاي پايدالانۋعا بولادى؟
ەمدەۋ ماقساتتارى:
- ورفاندىق اۋرۋلاردى ەمدەۋ؛
- ستوماتولوگيالىق قىزمەتتەر؛
- رەكونسترۋكتيۆتى جانە قالپىنا كەلتىرۋ
(پلاستيكالىق) وپەراتسيالارى؛
- راديونۋكليدتىك جانە راديويودتەراپيا؛
- راديوحيرۋرگيالىق ەمدەۋ؛
- پروتون تەراپياسى؛
- وفتالمولوگيالىق قىزمەتتەر.
زەينەتاقى جيناقتارىن ەمدەۋگە پايدالانۋ ءۇشىن مىنا تارتىپپەن ءوتىنىم بەرۋگە بولادى:
1. ءبىرجولعى زەينەتاقى تولەمىنە ءوتىنىش بەرىڭىز جانە ەلەكتروندىق سيفرلىق قولتاڭباڭىزبەن قول قويىڭىز.
2. ب ج ز ق 5 جۇمىس كۇنى ىشىندە ءبىرجولعى زەينەتاقى تولەمدەرىنىڭ سوماسىن ءسىزدىڭ «وتباسى بانك» ا ق ارنايى شوتىڭىزعا اۋدارادى.
3. قاراجات ارنايى شوتقا تۇسكەننەن كەيىن، دياگنوستيكا جۇرگىزۋ ءۇشىن بەيىندى مەديتسينالىق مامانعا حابارلاسىڭىز.
4. بەيىندى ماماننىڭ قورىتىندىسىن العاننان كەيىن، تىركەلگەن جەرىڭىز (تىركەلۋ ورنىن E- Gov.kz پورتالىنان بىلۋگە بولادى) بويىنشا مەديتسينالىق ۇيىمعا حابارلاسىڭىز جانە ول جەردە جەكە باسىڭىزدى كۋالاندىراتىن قۇجاتتىڭ كوشىرمەسىن قوسا بەرە وتىرىپ، دارىگەرلىك كوميسسيانىڭ قورىتىندىسىن بەرۋ تۋرالى ءوتىنىش بەرىڭىز.
5. دارىگەرلىك كوميسسيا ءوتىنىش بەرگەن كۇننەن باستاپ 5 جۇمىس كۇنى ىشىندە نە ەمدەلۋگە جولداما بەرۋ تۋرالى، نە باس تارتۋ تۋرالى شەشىم قابىلدايدى. 2 جۇمىس كۇنى ىشىندە كوميسسيا حاتشىسى سىزگە قورىتىندى بەرەدى.
6. وڭ قورىتىندىنى العاننان كەيىن ەمدەلگىڭىز كەلەتىن مەديتسينالىق ۇيىمدى تاڭداپ، ونىمەن كەلىسىم جاسايسىز. شارتتا مەديتسينالىق قىزمەتتىڭ ءتۇرى، دارىگەرلىك كوميسسيانىڭ قورىتىندىسىندا كورسەتىلگەن دياگنوز، سوما جانە مەديتسينالىق ۇيىمنىڭ دەرەكتەمەلەرى كورسەتىلۋى ءتيىس
7. Enpf-otbasy.kz پلاتفورماسىنا PDF فورماتتاعى دارىگەرلىك كوميسسيانىڭ قورىتىندىسىن جانە مەديتسينالىق ۇيىممەن جاسالعان شارتتى جۇكتەڭىز.
8. «وتباسى بانك» ا ق 5 جۇمىس كۇنى ىشىندە قۇجاتتاردىڭ سايكەستىگىن تەكسەرەدى جانە ءسىزدىڭ ارنايى شوتىڭىزداعى قاراجاتتى شارتتا كورسەتىلگەن دەرەكتەمەلەر بويىنشا مەديتسينالىق ۇيىمعا اۋدارادى.
قولجەتىمدى سومانى قالاي بىلۋگە بولادى؟
قولجەتىمدى سوما - بۇل ءسىز پايدالانا الاتىن، جەتكىلىكتىلىك شەگىنەن اساتىن زەينەتاقى جيناقتارىنىڭ كولەمى.
جەتكىلىكتىلىك شەگى - زەينەتاقى جاسىنا جەتكەن كەزدە زەينەتاقى تولەۋ ءۇشىن ب ج ز ق- داعى زەينەتاقى جيناقتارىنىڭ ەڭ تومەنگى قاجەتتى سوماسى.
مىسالى، ءسىز 35 جاستاسىز جانە زەينەتاقى شوتىڭىزدا 7000000 تەڭگە جيناقتالعان. وعان ساي، سىزدە جەتكىلىكتىلىك شەك - 5060000 تەڭگە، قولجەتىمدى سوما - 7000000 - 5060000 = 1940000 تەڭگە.